Jone 4:53 - Buka Blahi Ka Cheke Holo

⁵³ Mae kmagna masitei na neke ghatho fapuloni ka tanhi kaisei ngala teke cheke eghu mae Jisas na, “Mae thumu iagho na kela kelihi.” Aonu ke leghugna igne mana nei tharaknagna mana na eghu ne kafe fatutuani ni mae Jisas.

Jone 4:53 Referans Kwoze

Luku 19:9

Mae Jisas ne cheke eghu ka mana, “Gognarogne God ginauna fakarha nigho iagho nei naikno te gnafa te au ka sugamu gne! Naugna iagho kaisei mae neke karha la ka vikegna mae Ebraham.

Nodi Khoje Hatimare Mae Jiu 107:20

God neke cheke ranghidi neke keli fapulo thinidire. Uve, mana neke fakarhidi kau glehe.

Mae Khuru 18:8

Mae biꞌogna suga tharai igne, nanghagna na mae Krispasi, mana baludi naikno te gnafa te au ka tharaknagna mana na ne kafe fatutuani ni Lord. Eghuteuna kmana naikno langau Korin ne fanomho ka mae Pol. Mare fatutuani ni mae Jisas ne apublahi.

Mae Khuru 16:34

Ke leghugna igne mae greireghi suga sosolo na hatadi mae Pol ghe mae Silas ne tei ka sugagna na ne faꞌimadi. Mana nei tharakna na ne gleale'a fara naugna mare gognaro na la fatutuani God.

Mae Khuru 11:14

Mana ginauna na cheke ranghi nigho iagho. Glepo te chekedi mana re ginauna na fakarhi nigho nei tharaknamu tongana na.’

Mae Khuru 16:15

Naꞌa nei naikno te gnafa te au ka nogna suga na ne kafe apublahi. Aonu Lidia ne tore ghami ghehati mala tei ka sugagna na. Naꞌa ne cheke eghu ka ghehati, “Ne thofno kaisei naikno khiloau iara teu ghotilo gaoghathomi na, mei au ghotilo ka sugagu iara gne eghu.” Naꞌa ne cheke fara ka ghehati mala au balugna.

Mae Khuru 2:39

Naugna u nogna nhaꞌa cheke God igne mala nomi ghotilo, nei maladi goro thumi are nei maladi iheire te theome karha nga teu. Uve, u nhaꞌa cheke igne maladi naikno te gnafa teke kilo meidi noda Lord.”

Matiu 8:13

Aonu, mae Jisas ne cheke eghu ka mae funeidi hatimare mae armi di Rom gre, “Ke pulo sagho ka sugamu na. Naugna ka nou fatutuani iagho na nou mae gloku iagho na mana ginauna nake keli fapulo.” Aonu nogna mae gloku mana teke fogra na ghosei neke keli fapulo ka vido narane tuana.

Nodi Khoje Hatimare Mae Jiu 33:9

Naugna kate cheke na, mana neke vuavuhani nauthoglu gne. Ka chekegna mana na, gobigna lepore neke thakle mei.

Jone 4:52

Mana neke ghathoni nogna cheke mae Jisas na ne ghusna eghu ka mare, “Ka tanhi nihai teke keli fapulo mae thugu iara na?” Mare ne cheke eghu ka mana, “Tanhi kaisei ngala naublatha gnorai teke ghaota mana ka fogra na.”

Jone 4:51

Ka teke pulo mana ka nabrou na, nogna mae gloku mana re mei ne thafoni mana ka nabrou na ne cheke eghu ka mana, “Mae thumu iagho na kela kelihi!”