Jone 4:38 - Buka Blahi Ka Cheke Holo

³⁸ Na jateula tuana eghu iara na kuru fajifla ghami ghotilo mala tei salo gano ka nagare aheva ghotilo teke theome kmusa ka joꞌu gna na. Keha naikno delei teke kmusa ka joꞌu gna na, eghuteuna u nodi nakmusa mare na mala togho ghami ghotilo.”

Jone 4:38 Referans Kwoze

Jone 1:7

Mana neke mei neke toutonu ka naiknore eigna naphae tuana, mala tangomana naikno te kafe nomhini mana re fatutuani ni naphae na.

Fapea Kronikols 36:15

Lord nodi God kuꞌedi mare tifa ra, mana neke kuru meidi koba nogna profet ra mala cheke ka mare, naugna mana kokhoni nognadi mare, eghuteuna mana jaola ghatho tahuni nogna Sugablahi na.

Mae Khuru 6:7

Chekegna God na tei thoke heva heva ka naiknore. Tothoghei naikno khiloau te au Jerusalem ka narane tuare gognaro biꞌo la biꞌo, eghuteuna jaola kmana nodi tothoghei pris mae Jiu gre la funu fatutuani nei leghuni mae Jisas.

Mae Khuru 5:14

Nu kmana kmana naikno, nalhaꞌu ba gaꞌase, ne fatutuani ka Lord ne kafe ruma haghe ka mare.

Mae Khuru 4:4

Nu kmana naikno te nomhidi nodi cheke phiamare re ne fatutuani ni mae Jisas. Eghuteuna naikno te fatutuani ni mae Jisas gognaro na thokei glima thogha.

Mae Khuru 4:32

Naikno te fatutuani ni mae Jisas re ne kaisei nagnafa ngala nei kaisei gaoghatho ngala. Theo kaisei naikno te chekeni ne khotogna thegna ngala kaisei glepo teuna. Nu mare tufa gobigna lepore.

Mae Khuru 2:41

Iheire naikno te fatutuanidi nogna cheke mae Pita re ne apublahi, naba thilo thogha naikno te ruma haghe ka tothoghei mae khiloau kau narane tuana.

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Profet Jeremaea 44:4

Leuleghu fata na iara kurudi koba hatimare mae profet nogu mae gloku iara ra, mala mei cheke eghu ka mare, ‘Ghotilo thosei eni glepo te diꞌa te tiroguni fara iara igne!’

Jone 4:37

Kaisei cheke te eghu agnea, ‘Kaisei mae mala joꞌu, keha mae na mala atha gano’ teu igne gognaro la tutuani fara.

Jone 4:39

Kmana naiknodi Samaria teke au ka namono tuana mare mei ne fatutuani ni mae Jisas naugna ka cheke te eghu gaꞌase na igre, “Thau igne ne chekedi gobi lepo teke edi iara tifa te ghilei thoke ka narane gognaro gne.”

Jone 17:18

Iara kuru fajifladi mala tei mare kau naiknogna nauthoglu igne, jateula ngau iagho teke kuru mei ghau iara kau nauthoglu igne.

Fapea Korin 10:15

Ghehati fahaehaghe salaꞌui ka nomi gloku na kolho. Ghehati theome magnahaghe te fahaehaghe ka gloku tela edihi keha naiknore. Nu te rouronu ghehati na ghotilo ginauna kotu leuleghu fata ka nomi fatutuani na nei ghotilo ginauna toghoni nomi gloku ghehati gne mala kotu e biꞌo.