Jone 3:26 - Buka Blahi Ka Cheke Holo

²⁶ Aonu mare ne mei ka mae Jone ne cheke eghu ka mana, “Mae velepuhi, laseni sagho kaisei mae teke au balumu ka keha phile Kho'u Jordan ia? Mae teke chekeni iagho ka naikno ra, gognarona mana la faꞌapublahi naikno, eghuteuna naiknore la kafe tei ka mana!”

Jone 3:26 Referans Kwoze

Jone 1:7

Mana neke mei neke toutonu ka naiknore eigna naphae tuana, mala tangomana naikno te kafe nomhini mana re fatutuani ni naphae na.

Jone 12:19

Mae Farasi gre ne filodi naikno te keli tadi ka mae Jisas te kafe khapru ka mana re. Aonu, mare ne nanga nodi fara ne cheke eghu fari thedi, “Filo si ghotilo, unha puhi te edi tahati igre ginauna theo nafudi kolho, naugna naikno te gnafare la kafe tei leghuni mana!”

Jone 11:48

Jame te lisa laoni tahati te eni fabrahu mana igne na, naiknore ginauna kafe fatutuani ni mana. Aonu, mae armi di Rom gre ginauna na mei goigoni ni noda Sugablahi gne nei goigoni nila noda namono gne eghu!”

Jone 1:15

Mae Jone neke cheke eghu eigna mana, “Igne mae teke chekenihi iara ka ghotilo ia, ‘Mae te mei ke leghugu iara na, mana mae ke biꞌogu iarai, naugna mana neke kulu auhi neke karha nga iara.’ ”

Profet Isaia 45:23

Iara la enihi kaisei nhaꞌa cheke, eghuteuna nhaꞌa cheke igne theome tangomana na teke tuthughu na. Nogu nhaꞌa cheke iara igne tutuani fabrahu. Ghotilo te gnafa na mala kafe mei tuturupuku ke ulugu iara, eghuteuna ghotilo nhaꞌa cheke mala leghu ghau iara.

Jone 3:2

Kaisei bongi mana neke mei ka mae Jisas, ne cheke eghu ka mana, “Velepuhi, ghehati lase nigho iagho kaisei mae velepuhi biꞌo neke mei funu ka God. Naugna jame te theome togho nigho God na, iagho jame theome tangomana te edi kofubobhoi igre.”

Jone 1:9

Thofno naphae igne ne mei kau nauthoglu gne mala kafe faphaedi naikno te gnafare.

Matiu 23:7

Mare magnahaghedi naiknore te ghatho tahudi nei kilodi ‘Mae Velepuhi’ ke lamna glalaba. Gaoghatho te edi mare glepo te keli igre mala filo naiknore eghu kolho.

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Nodi Khoje Hatimare Mae Jiu 65:2

Naugna te nomhidi iagho nomi tharai ghehati gre, naikno te gnafa ka namono te gnafa gre ginauna na ari mala fafara ka iagho.

Matiu 23:8

“Nu te chekeni iara ka ghotilo na, thosei jateula mare eghu snakreni kaisei naikno mala kilo ghami ‘Mae Velepuhi’. Naugna ghotilo kafe thabusigna nei thabureghagna eghu ngala. Eghuteuna iara ngala nomi mae velepuhi ghotilo na.

Jone 4:1

Hatimare mae Farasi ne nomhini eigna mae Jisas te faꞌapublahi kmana naikno ke tulaogna mae Jone Apublahi te mala leghuni mana na.

Jone 4:2

Eghuteuna mae Jisas thegna na neke theome faꞌapublahi naikno. Hatimare nogna mae fanomho mana re teke faꞌapublahi naikno na.

Jone 4:31

Ke leghugna teke pulo naꞌa ka namono Saeka na mae fanomhore ne cheke eghu ka mana, “Velepuhi, ima gheu!”

Jone 5:33

“Mae igne nanghagna na, mae Jone. Ghotilo neke kurudi keha mae neke tei ghusnani mana eidi gobigna lepo te edi iara igre. Eghuteuna unha teke chekedi mana eigu iara igre thofno tutuani fara.