Jone 21:19 - Buka Blahi Ka Cheke Holo

¹⁹ Cheke igre mae Jisas ne kulu cheke thakledi ka mae Pita, mala kulu laseni mana unha nafnata glehe nate ludeni mana ginauna, mala kilo fnaknoni God. Aonu, mae Jisas ne cheke eghu ka mae Pita, “Pita, mei leghu ghau iara!”

Jone 21:19 Referans Kwoze

Fapea Pita 1:14

Naugna iara laseni nakarhagu ka nauthoglu gne theome au raugha. Noda Lord Jisas Kraes neke chekeni igne ka iara.

Jone 21:22

Mae Jisas ne cheke eghu ka mae Pita, “Uve, jame iara magnahagheni mana te karha teu teke ghilei pulo mei iara na, tuana theome glepo ulu ka iagho. Mei sagho leghu ghau iara!”

Matiu 10:38

Ihei te magnahaghei leghu ghau iara teu nu theome pala nogna gaju fafatha na, na eghunu lehe nogna teuna, mana theome nabagna te kiloni nogu mae fanomho iara.

Filipae 1:20

Iara thono theome magnahaghei te eni kaisei glepo te mala famamaja ghau thegu ke ulugna mae Kraes. Nu iara magnahaghedi naiknore te filo glani ka iara nogna nolaghi biꞌo mae Kraes. Neuba mare ne falehe ghau iara ginauna, iara magnahaghedi naikno khiloaure te mala kilo fnaknoni fabrahu mae Kraes.

Jone 12:33

Mae Jisas neke chekedi glepo igre mala glola ka naiknore unha nafnata glehe nate lehe mana ginauna.

Ululahu Samuel 12:20

Aonu mae Samuel ne cheke eghu ka mare, “Ghotilo thosei mhaghu! Tutuaniu teke eni ghotilo glepo te diꞌa igne na. Nu gognarona, ghotilo mala thosei tei kokoni Lord, eghuteuna ghotilo mala leghuni mana ka gaoghathomi fateote'o.

Jone 18:32

Igne ne horoghoto fara ka nogna cheke thegna mae Jisas teke kulu chekeni mana tifa eigna unha nafnata glehe nate lehe mana na.

Jone 12:26

Jaola mae ihei te magnahaghei loku ranghi ghau iara na, mana mala leghu ghau iara. Eghuteuna nogu mae gloku iara tuana ginauna tei balugu iara ka namono aheva te tei iara na. Eghuteuna mae Kmagu iara na ginauna ghatho tahuni mana.”

Matiu 19:28

Mae Jisas ne cheke eghu ka mare, “Tutuani fara, te chekeni iara ka ghotilo na. Kate thoke mei nogna nauthoglu majaghani God na iara mae teke mei funu kligna na ginauna gnokro ka sape nafnakno. Eghuteuna ghotilo te gnafa te leghu ghau iara gre ginauna jaola gnokro ka nabotho phei sape nafnaknore. Eghuteuna ghotilo ginauna funei frunidi nabotho phei vikegna Israel.

Naba 14:24

Nu mae Caleb nogu mae gloku iara te leghu ghau nei kaisei gaoghatho ngau thegna teuna ngala te ginau tathalei te tei iara ka vido teke kulu tei filo thegna na. Eghuteuna thugna mana re te ginau khotogna vido tuana.

Matiu 8:22

Nu mae Jisas ne cheke eghu ka mana, “Gognarona iagho mei leghu ghau iara, lisa laodi naikno te tirodini nakarhagna God na mala giugiludi mare thedi naikno te lehere.”

Jone 21:18

Mae Jisas ne cheke eghu ka mae Pita, “Tutuani fara, te chekeni iara ka iagho na. Kate mae majaghani teu iagho na, iagho neke haru famaku themu nou nhugha na neke tei ka vido aheva te magnahaghei tei iagho na. Nu, kate mae khueku'e na, iagho na fadodoglo phia khamemu are, eghuteuna keha naikno delei nate haru famaku nigho te hata nigho te tei ka vido aheva iagho te theome magnahaghei tei na.”