Jone 2:12 - Buka Blahi Ka Cheke Holo

¹² Ke leghugna igne mae Jisas ne tei baludi idogna, thabusigna nei nogna mae fanomhore. Eghuteuna mare ne kafe au jare keha narane.

Jone 2:12 Referans Kwoze

Matiu 12:46

Kate facheke teu mae Jisas ka naiknore, idogna nei thabusigna teu mana re ne posa mei kegra neu kosi. Mare magnahaghei te mei cheke ka mana.

Galesia 1:19

Nu ka narane igre iara neke theome filodi keha mae khurure kaisei mae Jemes tahigna Lord kolho teke filoni iara na.

Ululahu Korin 9:5

Eghuteuna jame magnahagheni iara na, iara jaola tangomana te hata kaisei gaꞌase khiloau te mala tei balugu ka nogu gloku na, jateula te edi keha mae khurura eghu, hatimare mae thabusigna Lord, nei mae Pita teu ra neke eni igne.

Nonomho Te Keli Teke Risoi Mae Mak 6:3

Tahati laseni mae kapenta igne, mana thugna Meri kolho. Eghuteuna mae tahigna mana re mae Jemes, mae Josep, mae Judas nei mae Simon. Eghuteuna, greghagnare kafe au teu ngala igre. Mana kaisei mae kolho, mana neke theome mei funu ka God.” Aonu naiknore ne filo faparini kolho mana.

Matiu 4:13

Mana ne kulu tei Nasaret, eghuteuna mana theome au raugha jare. Nu mana jifla neke tei au Kapanam, kaisei namono rhegna Kholo Galili, ke lamnagna nohi Sebulun nei Naftali.

Matiu 11:23

Ghotilo naikno te au Kapanam ra, na eghunu nhaꞌa haghe ghami God kligna eghu jau si ghotilo gaoghathomi na? Theo fara! God ginauna koko soru ghami ghotilo Hades ka namonodi naikno tela lehehi ra. Nu jame filodi naikno te diꞌa ka namono Sodom kofubobhoi te edi God ka ghotilo igre meuna, naikno te diꞌa di Sodom igre jame tughu nagnafahi. Eghuteuna namono Sodom gne jame au ngala gognaro na.

Jone 2:2

Hatimare ne toreni mae Jisas baludi nogna mae fanomhore mala au langau ka gaghamu tholaghi igne.

Jone 4:46

Ka vido tuana mae Jisas neke pulo ka namono Kena jare Galili, ka namono teke eni mana khoꞌu na teke vuhai u waen na ia. Kaisei mae biꞌo te loku ranghini mae King gna Rom na au jare Kapanam. Thugna mae biꞌo igne na ne fogra fara.