Jone 19:14 - Buka Blahi Ka Cheke Holo

¹⁴ Ka vido tuana la namo naublathahi, eghuteuna nodi narane te mala tarabana eigna nodi Gaghamu Ghasa-polho mae Jiu gre. Mae Paelat ne cheke eghu ka mare, “Filo si ghotilo, igne nomi mae king ghotilo na.”

Jone 19:14 Referans Kwoze

Matiu 27:62

Narane tuana, narane mala tarabana eigna narane Sabat. Ka keha narane na hatimare mae pris ulu nei hatimare mae Farasi eghu ne tei ka mae Paelat.

Jone 19:5

Aonu, mae Jisas ne jifla mei ne kegra ke uludi mare balugna khepi fifiriulu na, nei nogna phoko ukru mae king. Mae Paelat ne cheke eghu ka mae Jiu gre, “Filoi ghotilo! Igne mana na!”

Jone 19:42

Phia mare ne lilisei thinigna mae Jisas na jare, naugna gluma tuana theome thei gaꞌu. Eghuteuna, narane tuana nodi narane mala tarabana mae Jiu eigna narane Sabat.

Nonomho Te Keli Teke Risoi Mae Mak 15:25

Tanhi nhevai hamerane mare ne tupijuruni mae Jisas.

Jone 19:3

Aonu, mare ne mei koba ke ulugna mae Jisas ne tuturupuku soru ne cheke eghu, “Cheke fakeli nigho, iagho nodi king mae Jiu!” Gnafa teuna, mare lao ne taponi mana.

Luku 23:54

Eghuteuna narane igne narane mala tarabana eigna narane Sabat. Sabat na la namo fufunuhi ka narane tuana.

Nonomho Te Keli Teke Risoi Mae Mak 15:42

Igne narane mala tarabana. Naugna keha narane na narane Sabat. Eghuteuna gognaro na la namo romnohi.

Matiu 27:45

Fari hotei naublatha, namono te gnafa ke lamnagna nauthoglu igne ne kafe romno funu tanhi nabotho phei thoke ka tanhi thiloi.

Luku 23:44

Tanhi nabotho phei fari hotei naublatha, ka narane tuana namono te gnafa kau nauthoglu gne ne romno soru ne theome prai ne ghilei tanhi thiloi fei grafi. Eghuteuna pohe biꞌo te gefe ka Sugablahi na megei nga ne breku pea.