Jenesis 45:23 - Buka Blahi Ka Cheke Holo

²³ Mae Josep jaola ne hata kmana famane glepodi Ijep ne luja lao ka nabotho dongki nalhaꞌu di re malagna mae kmagna. Eghuteuna mana ne hata wit nei bret nei keha nafnata gano la ngau eghu ne luja ka nabotho dongki gaꞌase di re mala toghoni mae kmagna kate mei ka nabrou te mala mei thoke Ijep na.

Jenesis 45:23 Referans Kwoze

Eksodas 16:3

Naiknore ne cheke eghu ka phia mare, “Jame te keli na Lord gne jame neke falehe ghami ghehati kolho Ijep. Au teku jare ia ghehati neke au ghemi kmana nafnata gano te magnahaghedi ghehati re. Nu ghopa ne atha mei ghami ghehati ka namono nagou te theo kaisei gano gna igne neu. Ba ghopa magnahaghei ghami ghehati te mei lehe agne sia? Jame au meu ghehati Ijep me lehe meu na keli!”

Jenesis 43:11

Aonu mae Jekop mae kmadi mare na ne cheke eghu ka mare, “Jame te eghu na, ghotilo na eghu agne. Hohono fafodu ka nomi gloi are keha gano te ulu fara ka namonoda tahati gne mala hata tei e namha ka mae funei na. Keha meresin, keha jurukuli, keha mur nei phei nafnata sitha te kiloni mare pistasio nei almond eghu.

Jenesis 24:10

Aonu mae gloku na ne hata nogna nabotho kamel mae Ebraham ra nei hata balugna kmana soasopaigna nafnata glepo te keli eghu mala namha. Mana tarabana glepo igre ne tei ka namonogna mae Naho na jare ka kantri Mesopotemia.

Jenesis 45:22

Mana jaola ne tufa pohe majaghani ka mare. Nu ka thofno mae thabusigna thegna mae Benjamin gne mana ne falao glima khangafa pohe majaghani nei thilo gobi vido silva.

Jenesis 45:24

Kate kuru teidi mae thabusigna re, mae Josep ne cheke eghu ka mare, “Ghotilo jifla tei, nu thosei fari fapholai fari themi eghu.”