Jenesis 43:14 - Buka Blahi Ka Cheke Holo

¹⁴ Iara toreni God mae ihei te nolaghi fara na mala toghoni gaoghathogna mae funei igne mala kokhoni ghami ghotilo. Iara toreni God mala snakredi mae Simion ghe mae Benjamin gre mala ke pulo mei balumi ghotilo. Nu jame teke gaoghathogna God teke mala hata fadeleidi mae thugu iara gre teku na, mare na hata fadeleidi ka iara.”

Jenesis 43:14 Referans Kwoze

Nogna Buka Esta 4:16

“Iagho tei kilo fodudi naikno Jiu te gnafa te au ke lamnagna namono biꞌo Susa mala thosei ima nei koꞌu eghu nabagna thilo narane nei thilo bongi. Eghuteuna iara baludi nogu gaꞌase gloku te au balugu igre ginauna jaola na theome ima nei koꞌu eghu. Aonu ke leghudi thilo narane igre, neuba iara ne huhughuni vetula na, iara ginauna tei filoni king. Eghuteuna, neuba iara ne lehe, iara mala lehe ngala.”

Jenesis 17:1

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Mae Khuru 21:14

Ghehati theome tangomana ghami te cheke faꞌunha teu ka mana te mala tughu nagnafa mana na, aonu ghehati faꞌiho ghami kolho ne cheke eghu, “Unha te magnahagheni Lord na tuana ngala te mala eni na.”

Nehemaea 1:11

Lord, fanomho ka nogu tharai iara gne nei ka nodi tharai nou naikno gloku iagho te magnahaghei ghatho tahuni nanghamu iagho gre. Togho ghau gognarogne, mala tangomana king te kokhoni ghau iara na, nei mala eni mana unha te toreni iara na eghu.” Ka narane tuare, iara kaisei nogna mae biꞌo king mae ihei te rouronu ghau iara fara, eghuteuna iara thegu kolho te tangomana te reireghidi ghegna waen mana re.

Proveb 16:7

Ihei te au ka nakarha te magnahagheni Lord na, Lord ginauna toghoni mana mala theome magra baludi nogna naokare.

Nodi Khoje Hatimare Mae Jiu 119:41

Lord God, fathakle mei ranghi ghau nou namha biꞌo iagho na. Uve, fakarhi ghau iara sagho jateula teke nhaꞌa chekeni iagho themu ia eghu.

Nodi Khoje Hatimare Mae Jiu 100:5

Lord na thofno keli fara, nei mana namha ghita fabrahu. Eghuteuna nogna nhaꞌa cheke na theo ka huigna.

Jenesis 22:14

Aonu mae Ebraham ne kiloni vido igne, “Lord ginauna na tusu mei ranghi ghita.” Eghuteuna gognaro ba gne tahati tangomana te kafe cheke eghu na, “Ke kligna gna thogele na Lord ginauna na tusu mei ranghi ghita unha te magnahagheni tahati na.”

Fapea Jone 1:3

God Kmada ghe mae Thugna Jisas Kraes, phiamare ginauna na fablahi ghita balu nodi khokofakasai, kokhoni ghita, pharikeli, nei balu tutuani nei namha.

Taetus 1:4

Uve ghema Taetus, iara na riso ari ka iagho. Eigna iagho jateula thofno mae thugu eghu iara kau noda khiloau gne naugna iagho fatutuani nila unha glepo te fatutuani ni iara gne. Gognaro na iara toreni God Kmada nei mae Fakarhaida Jisas Kraes mala fablahi nigho nei tusu ranghi nigho u nodi pharikeli na.

Ululahu Timoti 1:16

Nu naugna igne God neke kokhoni ghau iara tulao mala tangomana mae Jisas Kraes te fatakle nogna namha biꞌo ranghi ghau iara na. Igne mala toghodi naiknore mala fatutuani ni mana thogheiro, nei mala athini u karha fei tifa na.

Ululahu Timoti 1:2

Uve ghema Timoti, ka noda fatutuani ka mae Jisas Kraes, iagho jateula kaisei mae thofno thugu eghu iara. Iara toreni nogna khokofakasai, lolokeli, nei pharikeli God Kmada nei Jisas Kraes noda Lord mala au balumu.

Mae Khuru 7:10

nei fakarhini ka puhi biꞌo te gnafa teke edi mana re. God jaola neke tusu ranghini glalase te keli mala tangomana mae King Fero te magnahagheni mana na. Eghuteuna mae King Fero neke vahini mana mala mae gavana gna Ijep, nei mala reireghidi la naikno te gnafa ke lamnagna nogna suga biꞌo na.

Luku 1:50

Mana kokhoni nognadi nei namhadi eghu naikno te gnafa te ghatho tahuni mana re, funu ka naikno tifa te ghilei posa ka naikno te theome karha nga teure.

Profet Isaia 49:13

Maloa ghe nauthoglu, ghopa glealeꞌa balu eha fabiꞌo! Ghotilo thogele ra, ghotilo koje! Naugna Lord ne faglealeꞌa ghami ghehati nogna naiknore, mala glealeꞌa. Uve, mana ginauna kokhoni ghami ghehati iheire te au papara fara.

Proveb 21:1

Lord na batuni khoꞌu na mala tei ka vido aheva te magnahagheni mana na. Jateula tuana eghu, mana batuni gaoghathogna mae funei na.

Proveb 1:1

Nogna famane cheke mae Solomon king gna Israel, thugna king Devet.

Esra 7:27

Aonu Pris Esra ne cheke eghu, “Tahati cheke fakelini Lord nodi God kuꞌeda tifa ra! Mana loku ka gaoghathogna king, mala ghatho tahuni king nogna Sugablahi Lord Jerusalem.

Jenesis 42:36

Mae kmadi na ne cheke eghu ka mare, “Ka puhimi ghotilo la dofidi iara phei mae thugu ra. Ulu lahu na mae Josep, eghuteuna ke leghu na mae Simion. Eghuteuna gognaro na ghotilo ke jaola ke magnahagheni mae Benjamin teke mala tei au fadelei ka iara na. Gobigna lepo igre fakokhoana ghau iara.”

Jenesis 42:24

Kate nomhidi mana nodi cheke mae igre na, mana ne jifla ne tei delei ne tanhi poru. Ke leghugna te tanhi te gnafa na, mae Josep neke pulo mei neke cheke ka mare. Eghuteuna mana ne cheke ka nogna mae glokure ne lokini mae Simion ne haru khamegna mana re ke uludi mare.

Jenesis 39:21

Nu Lord ne au neu balugna mae Josep ne toghoni mana. Lord ne loku ka nagnafagna mae ihei te reireghigna suga sosolo na ne magnahagheni fara mae Josep.

Jenesis 35:11

Eghuteuna God ne cheke eghu ka mana, “Iara God mae ihei te nolaghi fara. Iagho na au kmana thumu nate karha mei ke leghu ka vikemu iagho. Iagho ginauna mala ku'edi naikno ka namono te kmana gre nei hatimare mae king gre na jaola karha ka vikemu iagho.

Jenesis 28:3

Iara toreni God mae ihei te nolaghi na mala fablahi nigho nei tusu ranghi nigho eghu kmana sua. Eghuteuna iagho ginauna mala kmadi kmana naikno.

Nodi Khoje Hatimare Mae Jiu 85:7

Lord God, fakakhana sagho nou namha biꞌo na ka ghehati, nei ke hata fapulo ghami eghu mala au fakeli ghehati.

Jone 19:22

Mae Paelat ne cheke eghu ka mare, “Unha cheke tela risodihi iara na, khudau ngala jare.”

Jenesis 43:13

Ghotilo hata mae Benjamin gne tei balumi mala ghosei ke pulo ka mae funei na.

Nodi Khoje Hatimare Mae Jiu 106:46

Mana neke fifigri gaoghathodi mae naoka te funei frunidi nogna naiknore mala kokhonidi.

Jenesis 44:12

Eghuteuna nogna mae gloku mae Josep na ne funu efra fakeli ka nodi duku hatimare mae thabusigna igre, fufunu ka nogna duku mae biꞌo lahu na ne tei posa ka mae iko lahu na. Eghuteuna mana ne filo deni kapu igne ka nogna duku mae Benjamin na.