Jenesis 41:35 - Buka Blahi Ka Cheke Holo

³⁵ Hatimare mae funei igre mala salo fodu gano te hata mare ka finogha te keli te mei igre. Mae igre mala loku ke parimu iagho mala salo fodu gano mala lilisei ka sugagna gano na ka namono gre.

Jenesis 41:35 Referans Kwoze

Eksodas 4:13

Nu Moses ne cheke eghu, “Lord, iara tore nigho mala kuruni kaisei mae ngau!”

Jenesis 41:56

Kate theo gano heva te heva na, mae Josep ne tothora sugadi gano re mala mei foli ghedi naiknore. Eghuteuna keha naikno ka keha vido nauthoglu re ne meila ngau Ijep mala foli gano ka mae Josep, naugna rofo igne la thofno diꞌa fara heva te heva na.

Jenesis 41:34

Eghuteuna iagho na jaola vavahi keha mae funei mala toghoni mana, mala tangomana mare te reireghidi gano te hata te mei naiknore ka nohi te gnafa ke lamnagna namono Ijep. Ka fitu finogha ulu lahu igre, gano na ginauna kmana fara, eghuteuna leuleghu fata kate atha te mei naiknore ganore mare na edi glima bukrei. Keha fatire mala hata mae khoto nagare re eghuteuna kaisei na nate atha mae funeire te mala tathaji teuna eghu.

Jenesis 41:36

Kate thoke meidi fitu finogha te theo gano te rofo agne Ijep na, naiknogna Ijep gne ginauna na mei hata ghedi ka gano teke salo fodu hatimare mae funei igre. Te eghu na, naikno gre ginauna na theome lehe ka rofo.”