Jenesis 36:9 - Buka Blahi Ka Cheke Holo

⁹ Igne u thoutonu eigna mae Iso na. Mana teke kmadi mae Idom gre neke au ka thogele Seia.

Jenesis 36:9 Referans Kwoze

Jenesis 19:37

Gaꞌase ke biꞌo na ne au kaisei thugna nalhaꞌu ne kiloni nanghagna na Moab. Gaoghathogna “Moab” teu igne “Thugna Mama” eghu. Mae Moab gne ku'edi vike te au ka namono te kiloni tahati Moab. Naikno igre au ngala ghilei thoke ka narane gognaro gne.

Jenesis 32:3

Mae Jekop ne kurudi keha mae mala kulu tei ka kantri Seia, keha nanghagna na Idom, mala hata cheke tei ka mae Iso, mae ke biꞌogna na.

Jenesis 36:8

Aonu mae Iso tei ne au soru ka thogele ro ka kantri Idom. Namono igne tifa na mare kiloni Seia.

Jenesis 36:10

Igre nanghadi teke thugna nalhaꞌu mae Iso re, mae Elifas neke karha ka Ada, eghuteuna mae Reul neke karha ka Basemat.

Ululahu Kronikols 4:42

Ke leghugna igne, fati thugna nalhaꞌu mae Isi igre: mae Pelataea, mae Nearaea, mae Refaea, nei mae Usiel teu igre ne batudi glima gobi mae ka vikegna mae Simion igre ne tei magra ka kantri Idom ke maghati.

Jenesis 32:4

Mae Jekop ne cheke eghu ka mare, “Tei ghotilo mala cheke eghu ka mae nogu funei iara Iso ia. ‘Ghema Iso, nou mae gloku iagho mae Jekop ia mana neke tei au kmana finogha balugna mae Laban eghuteuna gognaro na mana magnahaghei teke pulo mei.

Diutronomi 2:5

Ghotilo thosei magra ka mare, naugna iara ginauna na theome tufa kaisei nodi vido glose mare ka ghotilo. Naugna iara neke tufahi namono ka thogele Seia na igne ka vikegna mae Iso kolho.

Josua 24:4

eghuteuna ke leghu na, Isak ne fakarhidi Jekop ghe Iso. Iara neke snakre lao ka Iso thogele Idom. Nu kuꞌemi ghotilo Jekop baludi thugna re mana soru neke au Ijep.

Profet Obadaea 1:1

Lord God neke tusu lao nogna cheke na ka profet Obadaea mala toutonu mana ranghidi naikno te au ka kantri Idom unha te magnahagheni God na. Mana ne cheke eghu, “Tahati la nomhinihi theda cheke teke cheke eghu mana igne, ‘Tarabana mala tei magra Idom!’ ”