Jenesis 36:4 - Buka Blahi Ka Cheke Holo

⁴ Aonu karha ghu mae Elifas ka Ada, eghuteuna mae Ruel ka Basemat,

Jenesis 36:4 Referans Kwoze

Ululahu Kronikols 1:35

Igre teke thugna mae Iso re: Mae Elifas, mae Ruel, mae Jeus, mae Jalam, nei mae Kora.

Eksodas 2:18

Kate pulo ka mae kmadi na, mae Jetro ne ghusna eghu ka reꞌe, “Ne faꞌunha site ghosei teke pulo mei ghotilo gognaro gnea?”

Thoutonu Eigna Mae Job 2:11

Thilo kheragna Job re igre, mae Elifas gna namono Teman, mae Bildad gna namono Sua, nei mae Sofa gna namono Nama. Kate nomhini thilomare eigna puhi te thokeni Job igne, mare ghaoghatho mala tei diꞌanagnafa balugna mana, nei farerheta gaoghathogna mana na.

Naba 10:29

Kaisei narane mae Moses ne cheke ka mae Hobab thugna mae Ruel. Mae Ruel gne mae gna Midian, eghuteuna mae Ruel gne nanghogna mae Moses. Moses ne cheke eghu ka mae Hobab, “Ghehati ginauna tei ka vido te keli teke nhaꞌa chekeni Lord mala tufa ka ghehati teku gne. Eghume keli fara jame te mei iagho balumi ghehati na. Jame te mei iagho na, ghehati ginauna reireghi nigho iagho.”

Jenesis 26:34

Mae Iso gne neke phiatutu finogha gnahi neke tolaghi nga ka Judi ghe Basemat phei gaꞌase vikegna mae Hit. Judi gne neke thugna mae Beri, eghuteuna Basemat gne neke thugna mae Elon.

Jenesis 36:3

Eghuteuna fatilo na Basemat, greghagna mae Nabaiot, thugna mae Ismael.

Jenesis 36:5

eghuteuna karha ghu mae Jeus nei mae Jalam nei mae Kora eghu ka Oholibama. Igre thugna mae Iso teke karha ka kantri Kenan.