Jenesis 36:15 - Buka Blahi Ka Cheke Holo

^15-16 Mae igre neke kegra funei ka namono Idom, mae Teman, nei mae Oma, nei mae Sefo, nei mae Kenas, nei mae Kora, nei mae Gatam, nei mae Amalek. Hatimare mae igre neke karha ngala ka mae Elifas, thugna ulu lahu mae Iso. Eghuteuna neke gragna ngala Ada neku.

Jenesis 36:15 Referans Kwoze

Profet Obadaea 1:9

Ghotilo maemi ka namono biꞌo Teman te lase magra ra, ghotilo ginauna mhaghu fara. Eghuteuna iara ginauna na kafe falehe ghami ghotilo mae soldia te gnafa ka vikegna mae Iso.”

Thoutonu Eigna Mae Job 2:11

Thilo kheragna Job re igre, mae Elifas gna namono Teman, mae Bildad gna namono Sua, nei mae Sofa gna namono Nama. Kate nomhini thilomare eigna puhi te thokeni Job igne, mare ghaoghatho mala tei diꞌanagnafa balugna mana, nei farerheta gaoghathogna mana na.

Profet Habaku 3:3

God te Blahi, iagho neke jifla mei funu ka namono nagou Idom, nei ka thogele Paran. Nou nolaghi iagho na jateula naprai eghu thafru ka vido te gnafa ka maloa kligna. Eghuteuna naikno te gnafa ka nauthoglu igne filoni nou nolaghi biꞌo iagho igne ne cheke fakeli nigho.

Profet Emos 1:12

Iara ginauna koko soru khaꞌaghi mala nhako suga te rheta ka nohi Teman nei ka namono biꞌo Bosra.”

Profet Esikiel 25:13

Eghume iara Lord God te cheke eghu igne: Iara ginauna paradi naiknodi Idom, eghuteuna iara ginauna falehedi mare balu nodi buluka nei nodi sipu. Iara ginauna goigoni kantri tuana mala vuhai namono nagou kolho. Funu ka namono Teman ke raru ghilei tei posa ka namono Dedan ke mata, naikno te gnafa igre ginauna kafe lehe ka magra.

Profet Jeremaea 49:20

Ghotilo fanomho fakeli ka unha te ghathoni Lord nate eni ranghini Idom, nei ka namono biꞌo Teman. Naoka na ginauna mei jateula lion te mei lolhoku sipu ikoi na te pala te tei ghamu ia eghu. Eghuteuna mare ginauna korho fajifla goro suadi Idom, aonu mare ginauna goigonidi fara nodi namono re.

Profet Jeremaea 49:7

Lord mae ihei te au nolaghi fateote'o igne ne cheke eghu ka naiknodi Idom, “Ulu lahu na, ghotilo iheire te au ka namono Teman igre neke au nodi famane gaoghatho te keli nei glalase eghu. Gognarona ba? Nomi famane gaoghatho te keli nei glalase teu ghotilo ra la gnafahi si ra?

Nodi Khoje Hatimare Mae Jiu 37:35

Tifa na iara neke filoni kaisei mae te diꞌa te thono heta fara te goigonidi keha naiknore. Mana haghe uludi fara keha naiknore jateula gaju gurighau biꞌo te tei uludi keha gajura eghu.

Thoutonu Eigna Mae Job 21:8

Mare karhau mala filodi narane te biꞌo haghe thudi nei gradi teure.

Thoutonu Eigna Mae Job 4:1

Aonu mae Elifas maegna Teman igne ne cheke eghu,

Ululahu Kronikols 1:45

Eghuteuna kate lehe mae Jobab na, mae Husam maegna Teman te king tughuni mana na.

Eksodas 15:15

Aonu hatimare mae biꞌo te mala baubatu ka phei kantri Idom nei Moab teu gre ne nanga nodi fara. Eghuteuna nodi nanheta naiknodi Kenan re ne blalho jateula nabubla hamerane ra neu kolho.

Jenesis 36:18

Mae funei igre neke karha ngala ka Oholibama, mae Jeus, nei mae Jalam, nei mae Kora. Oholibama gne neke thugna ngala mae Ana.

Jenesis 36:4

Aonu karha ghu mae Elifas ka Ada, eghuteuna mae Ruel ka Basemat,

Jenesis 36:14

Mae Jeus, nei mae Jalam, nei mae Kora teu igre neke karha ka Oholibama, khetogna mae Iso. Oholibama gne neke thugna ngala mae Ana nei neke gragna ngala mae Sibeon neku.