Jenesis 33:3 - Buka Blahi Ka Cheke Holo

³ Mana thegna te tei ulu lahu ka jajagha na, eghuteuna kate tei te namo mana ka mae tighagna na, mana ne fitu fata pogho soru pari ka glose na ke ulugna mae Iso.

Jenesis 33:3 Referans Kwoze

Jenesis 42:6

Ka narane tuana mae Josep gne mana kaisei mae gavana biꞌo gna Ijep, eghuteuna naikno te gnafa te au heva te heva na mare tei ka mana mala foli wit. Aonu mae thabusigna mana re ne tei ka mana ne pogho soru pari ke ulugna mae Josep.

Jenesis 18:2

Mana ne filodi thilo mae te kegra teu ka namono na. Kate filodi thilo mae igre, mana ghosei ne kegra haghe ne tei ka thilo mare. Mana lao ne pogho soru pari ke uludi thilo mare.

Jenesis 43:26

Kate posa mei mae Josep ka suga na, mare ne tusu lao nodi namha re ka mana. Aonu mare ne pogho soru pari ke ulugna mana.

Luku 14:11

Eghume, mae ihei te nhaꞌa faꞌuluni thegna na, God ginauna nake nhaꞌa faleghuni mana. Nu mae ihei te nhaꞌa faleghuni thegna na, God ginauna nake nhaꞌa faꞌuluni mana.”

Jone 10:4

Ka vido te atha fajifladi mana ke kosi bara na, mana na au ke uludi mala baubatudi. Eghuteuna nogna sipu mana re na kafe leghuni mana, naugna reꞌe ne lase fakelini u naoglagna mana na.

Eklesiasti 10:4

Jame kaisei mae mala baubatu diꞌatagna ka iagho, iagho thosei lisa kokoni nou gloku na, jame te au kmu kolho iagho na, mana ginauna hata fadelei nakhibomu iaghore.

Proveb 6:3

Thuguo, iagho faghose tei hata koko nhaꞌa cheke teke eni iagho tuana mala snagla iagho, naugna iagho la auhi ke parigna nogna nolaghi mana.

Ululahu Samuel 2:5

Mae teke kulu ghamu fakeli ra, gognarona mare mala loku ranghidi keha maei, mala tangomana mare te au gano na. Nu mae teke kulu rofo teku ra, gognarona, mare theome rofo. Gaꞌase teke theo thugna ia, gognarona, kela au fitu thugna, nu gaꞌase teke au kmana thugna ia, gognarona, naꞌa kela diꞌanagnafa nei tanhi eghu.

Jenesis 33:2

Mana ne lilisei phei gaꞌase glokure baludi thudire ului. Lea baludi thugnare ke leghu, eghuteuna Resel balugna mae Josep leghu lahu.

Jenesis 48:12

Eghuteuna mae Josep ne hata fadelei phei mae thugna re ka ghahegna mae kmagna na ne pogho soru pari.