Jenesis 30:5 - Buka Blahi Ka Cheke Holo

⁵ Bilha bukla ne karha kaisei thugna nalhaꞌu.

Jenesis 30:5 Referans Kwoze

Mae Khuru 7:8

Eghuteuna ke leghugna igne na, God neke cheke ranghini mae Ebraham mala tohi fagaglana mae sua nalha'ure. Igne kaisei fagaglana eigna nogna nhaꞌa cheke God na. Naugna igne, mae Ebraham neke tohi fagaglana mae thugna Isak ka fahanagna narane ke leghugna teke karha mana na. Eghuteuna mae Isak jaola neke tohi fagaglana mae thugna Jekop. Eghuteuna mae Jekop jaola neke tohi fagaglana dila mae thugnare, nabotho phei mae kuꞌeda tahati ra.

Jenesis 30:4

Aonu Resel ne hata Bilha nogna gaꞌase gloku thegna na ne snakre lao ka mae Jekop mala jateula khetogna eghu mana. Eghuteuna mae Jekop ne thuru balugna Bilha.

Jenesis 30:6

Resel ne cheke eghu, “God la falasenihi te keli fara puhigu iara na. Mana nomhini nogu tharai iara na ne tusu mei kaisei thugu iara.” Aonu Resel ne kiloni nanghagna sua na Dan. Nangha Dan teu igne gaoghathogna na “God ne falalase te theome jafra iara na” eghu.

Jenesis 35:25

Phei mae teke karha ka Bilha, nogna gaꞌase gloku Resel re neke mae Dan ghe mae Naftali.

Jenesis 46:25

Igre thugna nei gragna eghu mae Jekop ghe Bilha re. Bilha gne neke nogna gaꞌase gloku mae Laban neke tusu lao ka Resel. Thudi nei gradi teu Jekop ghe Bilha re neke fitui khaputudire.

Jenesis 30:29

Mae Jekop ne cheke eghu, “Iagho la filodihi u gloku teke edi iara ranghi nigho iagho ra. Iagho jaola lasedihi teke reireghi fakelidi iara nou sipu iagho ra tela kmana fara are.

Jenesis 35:22

Kate au teu mare ka namono igne mae Ruben tei ne thuru balugna Bilha fapea khetogna mae kmagna. Kate nomhini igne mae Jekop, keha nanghagna na mae Israel gne, mana ne diꞌatagna fara. Mae Jekop gne nabotho phei mae thugna.

Naba 1:5

Nanghadi nabotho phei mae lida re igre: “Ka vikegna mae Ruben, nodi lida mare na mae Elisua, thugna mae Sedeua.

Ululahu Kronikols 2:1

Igre nabotho phei thugna mae Israel: Mae Ruben, mae Simion, mae Livae, mae Juda, mae Isaka, mae Sebulun,

Matiu 1:2

Mae Ebraham na neke kmagna mae Isak; mae Isak na neke kmagna mae Jekop; mae Jekop na neke kmagna mae Juda nei hatimare mae thabusigna;