Jenesis 30:4 - Buka Blahi Ka Cheke Holo

⁴ Aonu Resel ne hata Bilha nogna gaꞌase gloku thegna na ne snakre lao ka mae Jekop mala jateula khetogna eghu mana. Eghuteuna mae Jekop ne thuru balugna Bilha.

Jenesis 30:4 Referans Kwoze

Fapea Samuel 12:11

“Iara ginauna vahini kaisei mae ka tharaknamu iagho themu igne mala eni kaisei puhi biꞌo ranghi nigho iagho. Iagho ginauna filoni puhi biꞌo igne kate hata iara khetomu iagho igre mala tusu lao ka mae ihei te namhani fara iagho na. Eghuteuna mae igne ginauna thuru baludi khetomu iagho are fari hotei narane ka vido te snagla.

Jenesis 35:22

Kate au teu mare ka namono igne mae Ruben tei ne thuru balugna Bilha fapea khetogna mae kmagna. Kate nomhini igne mae Jekop, keha nanghagna na mae Israel gne, mana ne diꞌatagna fara. Mae Jekop gne nabotho phei mae thugna.

Jenesis 33:2

Mana ne lilisei phei gaꞌase glokure baludi thudire ului. Lea baludi thugnare ke leghu, eghuteuna Resel balugna mae Josep leghu lahu.

Jenesis 25:6

Nu ka narane teke theome lehe nga teku mae Ebraham na, mana neke tusu lao namha ranghidi mae thugna nalhaꞌu teke karha ka fapea khetogna na. Eghuteuna mana neke kuru teidi fei ke maghati mala au fakhaba mare ka mae Isak, mae thofno thugna na.

Jenesis 25:1

Aonu, mae Ebraham neke tolaghi ka keha gaꞌase na, nanghagna na Ketura.

Jenesis 22:24

Mae Neho gne jaola neke au fati mae thugna nalhaꞌu ka Reuma. Reuma gne neke fapea khetogna mae Neho. Mae igre teke karha ka Reuma re: mae Teba, mae Gaham, mae Tahas nei mae Maka.

Jenesis 21:10

Aonu Sera ne cheke eghu ka mae Ebraham, “Kuru teini delei thau sneka igne balugna thugna na. Eigna kate lehe tapa na, Ismael thugna thau sneka igne theome nabagna teke hata nou glepo iagho gre. Glepo igre mala ke nogna thugu iara Isak.”

Jenesis 16:2

Aonu Sarai ne cheke eghu ka mae Ebram, “Iagho laseni igne, Lord na theome snakre ghau iara te mala au sua na. Eghume iagho tangomana te tei thuru balugna nogu gaꞌase gloku iara gne mala au kaisei thugu iara.” Mae Ebram ne leghuni nogna cheke Sarai na.

Jenesis 30:5

Bilha bukla ne karha kaisei thugna nalhaꞌu.

Jenesis 29:29

Mae Laban jaola ne tusu lao kaisei nogna gaꞌase gloku Resel, nanghagna na Bilha.

Jenesis 46:25

Igre thugna nei gragna eghu mae Jekop ghe Bilha re. Bilha gne neke nogna gaꞌase gloku mae Laban neke tusu lao ka Resel. Thudi nei gradi teu Jekop ghe Bilha re neke fitui khaputudire.