Jenesis 30:33 - Buka Blahi Ka Cheke Holo

³³ Eghuteuna ke leghu na kate tei teke fifilo iagho na, iagho ginauna na tangomana te filodi sipu nei nanigot teu te hata iara jateula fofoligu teu iara re, nei iagho ginauna na thofno laseni te tutuani ba te theo nogu cheke iara na. Jame te filoni iagho kaisei nanigot te theome thuthunu ba kaisei sipu te theome pipito te au teu baludi nogu sipu iara re, uve, iagho ginauna na lase ghau iara ngala teke blau na.”

Jenesis 30:33 Referans Kwoze

Profet Isaia 59:12

“Lord, nakhibomi ghehati igre kmana fara ka tathamu iagho na, eghuteuna nakhibo igre fate ghami ghehati. Eghuteuna ghehati themi te lase fakelidire puhi te diꞌa nei nakhibo teu teke edi ghehati igre.

Nodi Khoje Hatimare Mae Jiu 37:6

Eghume naikno te gnafare ginauna filoni puhimu jateula glepo te au ka vido te snagla fara na. Tutuani fara, puhimu te doglore ginauna theome poru.

Fapea Samuel 22:21

“Lord na togho ghau iara fabrahu, naugna iara ne leghuni puhi te doglo na. Mana fablahi ghau iara koba, naugna iara ne theome eni kaisei glepo te diꞌa.

Ululahu Samuel 26:23

Lord na toghoni ihei te doglo nei ghatho tahuni mana teuna. Mana neke lisa mei nigho iagho ka nogu nolaghi iara, nu iara neke theome falehe nigho iagho, naugna Lord ngala teke vahi nigho iagho teke king na.

Eksodas 13:14

“Nathuꞌu nauriha na, thumi ghotilo re ginau na ghusna eghu ka ghotilo, ‘Unha eghu gaoghathodire si puhi igrea?’ Ghotilo cheke eghu ranghidi, ‘Ghehati neke au sosolo jare Ijep, eghuteuna Lord neke fakarhi ghami ghehati ka nogna nolaghi biꞌo na neke atha mei ghami ghehati agne.

Jenesis 31:37

Iagho la filo tonganahi ka nogu gobigna lepo iara gre, nu iagho theome filo dedi kaisei nou glepo jare. Jame te filoni iagho kaisei glepo na iagho fakakhana ke ulumi ghehati gnafa. Lilisei soru ke uludi vikemu are nei vikegu iara teu igre eghu. Eghuteuna tapa lisa lao ka mare mala vavahi mae ihei ka tapa te jafra na ka puhi igne.

Jenesis 30:32

Gognaro na iara na tei thegu mala fifilo ka nou tothoghei sipu nei nanigot teu iagho ra. Iara ginauna na tei hata sipu te pipito, nei sipu te vegha nei thuthunu ka thinidire, nei nanigot te pipito te thuthunu ka thinidire teu ra jateula te fofoligu teu iara na.

Jenesis 30:34

Mae Laban ne cheke eghu, “Keli fara. Tapa na leghuni unha te chekeni iagho tuana.”