Jenesis 3:24 - Buka Blahi Ka Cheke Holo

²⁴ Ke leghugna te kuru fajifladi ka nagare Eden, God ne lilisei kaisei tothoghei engel mala kegra ke maghati gna nagare Eden, nei lilisei kaisei naflahi khaꞌaghi te dudulu te figri tafri na. Mana neke eni igne mala theome tangomana repa te lao thoke ka gaju te mala tusu lao karha na ka naiknore.

Jenesis 3:24 Referans Kwoze

Hibru 1:7

Igne unha teke chekeni God eidi hatimare mae engel, “God neke hohoro nogna engel re mala jateula nuri, nei nogna mae glokure jateula deudeplu khaꞌaghi.”

Nodi Khoje Hatimare Mae Jiu 104:4

Iagho eꞌei nuri na mala jateula nou engel eghu te mala athadi nou chekere, nei eꞌei fila na mala jateula nou mae gloku eghu.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Nodi Khoje Hatimare Mae Jiu 99:1

Lord na King! Kate funei fruni mana naiknore thono mhaghuni fara mana. Mana gnokro ka nogna sape nafnakno na fari hoteidi phei engel, eghuteuna u nauthoglu na nghali kate kilo fnaknoni mana.

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Ululahu Samuel 4:4

Aonu mare ne kurudi keha mae mala tei Saelo, mala pala mei Bokis Blahi na. Phei thugna mae Eli, Hofni ghe mae Finihas, phiamare ne mei balugna Bokis Blahi aheva siasiglagna Lord mae ihei te au nolaghi fateote'o na gnokro jateula king eghu farihoteidi phei engel igre.

Josua 5:13

Kaisei narane, kate tei te namo mae Josua Jeriko igne, mana ne filoni kaisei mae te kegra teu ke ulugna mana na. Mae igne loku kaisei naflahi mala magra. Mae Josua ne tei namo ka mae igne, ne cheke eghu ka mana, “Iagho kaisei mae balumi ghehati, ba iagho kaisei mae naoka?”

Naba 22:23

Kate filoni dongki gne nogna engel Lord te kegra teu fari hoteigna nabrou te louloku naflahi mala magra teuna, dongki na ne theome leghuni nabrou na, nu naꞌa neke tei mhata neu. Mae Balam ne purini nogna dongki na mala ke pulo ka nabrou na.

Eksodas 25:2

“Chekedi naiknodi Israel ra mala atha mei nodi fafara re ka iara. Eghuteuna iagho atha mei unha te magnahaghei totogho mare ka nafnata gaoghatho te keli.

Jenesis 3:23

Aonu Lord God ne brue fajifladi repa ka nagare Eden na mala loku repa ka glose teke vuavuhadi repa God na.

Jenesis 4:1

Mae Adam ne thuru balugna Ivi khetogna na ne au kaisei thugna nalhaꞌu. Naꞌa ne cheke eghu, “Iara na kiloni nanghagna sua igne mae Kein, naugna Lord la togho ghau iara la atha kaisei thugu nalhaꞌu.” Gaoghathogna Kein teu igne “atha” eghu ka cheke Hibru na.

Jenesis 4:14

Filo sagho! Iagho theome magnahaghei ghau iara te mala loku ka glose igne na, nei iagho magnahaghei ghau iara te tei delei mala thosei filoni tathagu iara na ka nou namono gne. Eghuteuna te chekeni iagho na iara gne mae mala tei tafri kolho ka nauthoglu igne. Eghume iara gne mhaghu nogu fara, eigna glahula te mei filo deni ghau mare na, mare ginauna na akni falehe ghau iara.”

Profet Esikiel 10:1

Ka mifi igne, iara ne filo haghe ne filoni kaisei glepo jateula nogna chea biꞌo king teke horo ka famane thina sapia ra eghu, eghuteuna chea igne au ke kligna phaꞌudi engel igre.

Profet Esikiel 31:11

Uve, iara Lord God, tirogunihi mana, eghuteuna iara na snakre lao ka nodi king biꞌo keha kantri are mala parani fara mare eidi puhigna mana te diꞌa re.