Jenesis 28:14 - Buka Blahi Ka Cheke Holo

¹⁴ Vikemu iagho igre ginauna na kmana fara jateula gaughavu glose eghu heva heva ke mosu ba ke maghati ba ke mata ba ke raru eghu ka nauthoglu igne. Eghuteuna naikno te gnafa ka nauthoglu igne ginauna na tore ghau iara mala fablahidi jateula te fablahidi iara vikemu iagho gre eghu.

Jenesis 28:14 Referans Kwoze

Jenesis 12:3

Iara ginauna na cheke fakelini ihei te cheke fakeli nigho iagho na, nei iara na tibrini ihei te tibri nigho iagho na eghu. Naugna iagho nogu iara, eghume iara ginauna na fablahidi naikno te gnafa ka nauthoglu gne.”

Jenesis 26:4

Iara ginauna na snakre ari ka iagho kmana vike mala jateula nathunu te filodi iagho te theome naba te kahadi ka maloa na are eghu. Eghuteuna iara ginauna na snakre lao namono te gnafa igre ka mare. Naikno te gnafa ka nauthoglu igne ginauna na tore ghau iara mala fablahidi jateula teke eni iara ka vikemu iagho gre eghu.

Mae Khuru 3:25

U nhaꞌa cheke teke chekedi God ka mae Profet ra malami ghotilo neku, jateula u nhaꞌa cheke teke edi God ka mae kuꞌeda tifa ra. God neke nhaꞌa cheke eghu ka mae kuꞌeda Ebraham, ‘Funu ka goro thumu iagho gre iara ginauna na fablahidi naikno te hui ka nauthoglu igne.’

Jenesis 22:18

Naikno te gnafa ka nauthoglu igne mare ginauna na tore ghau iara mala fablahidi jateula teke eni iara ka vikemu iagho ra eghu. Naugna iagho ne ghatho tahu ghau nei leghuni neu nogu cheke iara na.’ ”

Jenesis 18:18

Jaola thugna mae Ebraham gre ginauna na kaisei vike biꞌo nei nheta eghu fara. Eghuteuna keha vike te au ka nauthoglu na igne ginauna fatutuani jateula mae Ebraham eghu.

Jenesis 13:16

Iara ginauna na eni thumu iagho gre mala vuragha e thovu fara jateula nusu eghu. Jame la kahadi ngau mare u nusu igre ame tangomana nga mare te kahadi thumu iagho gre eghu!

Jenesis 13:14

Ke leghugna jifla tela teihi mae Lot na, Lord ne mei cheke eghu ka mae Ebram, “Ebram, filo tongana sagho ka vido biꞌo ana. Filo lao ke maghati nei ke mosu nei ke raru nei ke mhata eghu.

Galesia 3:16

Uve, God neke chekedi nhaꞌa cheke igre ka mae Ebraham nei thugna. Grioriso te blahi na theome neke cheke eghu, “Nei maladi goro thumu.” Tuana gaoghathogna na kmana naikno. Nu God neke cheke eghu, “Nei mala thumu iagho.” Tuana gaoghathogna na kaisei mae kolho, eghume mae tuana, mae Kraes.

Galesia 3:8

Tifa na u grioriso te blahi gne neke kulu chekenihi eigna God ginauna jaola fakarhidi ka nodi fatutuani iheire te theome Jiu. Ka puhi igne mae Ebraham neke kulu nomhini u Nonomho te Keli na kani teke cheke eghu God na, “Iara ginauna vahi nigho mala fablahidi naikno te gnafa ka nauthoglu igne.”

Thakle 7:9

Ke leghugna igne, iara ne filodi kmana naikno fara, te theome tangomana kaisei naikno te kahadire. Naikno igre mei funudi ka tharakna te gnafa nei ka vike te gnafa nei ka namono te gnafa nei ka cheke te gnafa teu ka nauthoglu igne. Mare ne kafe kegra ke ulugna nogna sape nafnakno mae King na nei ke ulugna Lam. Mare pipichi pohe vegha nei louloku grege thubo ka khamedire mala kilo fnaknoni God.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Matiu 8:11

Nu te chekeni iara ka ghotilo na, kmana naikno ginauna na mei funudi ke maghati ba ke mosu mala gleale'a balugna mae Ebraham, mae Isak nei mae Jekop kau nogna nauthoglu majaghani God na.

Nodi Khoje Hatimare Mae Jiu 72:17

Te keli na jame mare theome ghatho ihoni nanghagna mae king na, uve, nanghagna mana te fnakno na mala au fabrahu, jateula naprai te au fabrahu ka maloa na ana eghu. Eghuteuna naikno te gnafa ka nauthoglu igne ginauna tore nigho iagho mala fablahidi jateula iagho teke fablahini mae king ia eghu. Naikno ginauna ghatho tahuni mana.

Diutronomi 12:20

“Kate togho ghami Lord nomi God te krepa nei biꞌo teu nomi glose ghotilo igne jateula te nhaꞌa chekeni mana na teuna, jau ghotilo magnahaghei fara te ghamu nafnahi na. Jame te eghu na, ghotilo tangomana te ghamu nafnahi leghuni unha te magnahagheni ghotilo na.

Naba 23:10

Naiknodi Israel gre thono kmana fara, theo kaisei tangomana te kahadire. Tutuani, vikegna mae Jekob na jateula gaughavu glose, theo kaisei tangomana te kahadire eghu. Kate thokeni iara narane leghu lahu na, keli fara jame nakarhagu iara na te jateula nakarhadi naikno te doglo ka tathagna God teuna. Uve, lisa ghau mala lehe ka pharikeli jateula naikno te doglo ra eghu.”

Jenesis 32:12

Tifa na iagho neke nhaꞌa cheke ka iara mala fablahi ghau iara nei mala tusu ranghi ghau iara kmana vike mala kmana fara jateula nusu te theome tangomana te kahadi ka glilihi na are eghu mare neku.”

Thakle 7:4

Aonu iara ne nomhidi niha naikno te au nogna fagaglana God tadire, thokeni kaisei gobi phiatutu fati thogha naikno. Mare jifla mei ka vike te gnafa gna Israel.

Jenesis 13:15

Namono te gnafa te filo laodi iagho are iara ginauna tusu ari ka iagho nei ka vikemu iagho gre eghu. Namono igne ginauna na nomi ghotilo fabrahu tifa e tifa.

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Jenesis 48:16

Iagho neke thakle ka iara jateula kaisei engel neku neke fakarhi ghau iara ka hoholo ra. Gognaro gne iagho fablahidi phei mae sitei igre. Iagho mala jaola mala fablahidi thudi phia mare re mala kaisei vike biꞌo fara ginauna. Mare ginauna mala theome ghatho ihoni nanghagu iara na, nei nanghagna mae Ebraham nei nanghagna mae Isak.”

Jenesis 48:19

Nu mae kmagna na tirogna ne cheke eghu, “Iara laseniu, thuguo, iara laseniu. Mae Manase gne ginauna na jaola kaisei vike biꞌo la ngau. Nu vikegna mae tahigna mana igne ginauna na kaisei vike biꞌo fara uluni vikegna mae Manase gne eghu. Eghuteuna goro sua nate karha mei ke leghu re ginauna kmana fara.”

Diutronomi 13:17

Gobi lepogna namono tuana blahi eghuteuna ghotilo thosei hata kaisei glepo tagna. Jame te leghuni cheke igne na, Lord ginauna na theome ke diꞌatagna ka ghotilo, eghuteuna ginauna mana nake kokhoni ghami ghotilo. Kate leghudi ghotilo nogna vetula mana teke tusu ari iara ka ghotilo gognaro igre, nei edi unha te doglo ka tathagna mana na teuna, mana ginauna keli ranghi ghami ghotilo, eghuteuna mana ginauna fablahi ghami ghotilo mala kmana e kmana jateula teke nhaꞌa chekehi mana ka kuꞌemi ghotilo tifa ra eghu.”

Profet Isaia 54:3

Naugna ghotilo ginauna tugha fakrepa nomi nohi na. Eghuteuna naiknore ginauna nake atha fafigri nodi glose te atha keha kantri gognaro igre. Namono biꞌo teke jifla kokodi te krogha igre ginauna nake fodu ka ghotilo.

Eksodas 32:13

Iagho ke ghathodi thilo nou mae gloku ra, Ebraham, nei Isak nei Jekop, iagho ke ghathoni u Nhaꞌa Cheke teke eni iagho ka thilo mare ka nanghamu themu. Iagho neke nhaꞌa cheke eghuhi ka thilo mare, ‘Iara ginauna edi iheire nate karha mei ke leghumi ghotilo re mala kmana fara jateula nathunu ka maloa na are eghu. Eghuteuna iara ginauna tusu lao ka mare vido glose te gnafa teke nhaꞌa cheke iara ka ghotilo ra, mala nodi mare fabrahu.’ ”