Jenesis 25:9 - Buka Blahi Ka Cheke Holo

⁹ Mae Isak ghe mae Ismael, phei mae thugna gre neke giugilui ni mana ka gluma thina na jare Makpela ka vido glose ke maghati Mamre. Vido igne neke nogna mae Efron thugna mae Soha kaisei mae ka vikegna mae Hit.

Jenesis 25:9 Referans Kwoze

Jenesis 50:13

Mare hata ne tei thinigna mana na Kenan ne giugilui ka gluma thina na ka sare Makipela rhegna Mamre. Mae Ebraham neke foli sare igne tifa na ka mae Efron, kaisei mae ka vikegna mae Hit mala gluma gna thegna neku.

Jenesis 35:29

Mana ne kuekuꞌe fara ne lehe. Eghuteuna mae Iso ghe mae Jekop, phei mae thugna re, ne giugiluni mana jare.

Jenesis 23:8

ne cheke eghu, “Te keliu ngala te giugilui iara agne khetogu na teu ghotilo na, iara magnahaghei ghami ghotilo te toreni Efron thugna mae Soha gne te mala snakre meini mana ka iara gluma Makipela gne eghu. Eigna gluma igne au ka nogna vido glose mana. Ghotilo cheke ka mana mala snakre meini mana ka iara gluma tuana, eghuteuna iara ginauna na foli ka mana gluma tuana ke ulumi ghotilo, eghuteuna gluma tuana ginauna na mala nogu iara.”

Jenesis 47:30

Kate lehe iara na, iagho mala ke pulo giugilui ghau iara ka namono aheva teke giugilui mae kuꞌegu ra.” Mae Josep ne cheke eghu ka mae kmagna na, “Iara ginauna na eni unha te chekeni iagho na.”

Jenesis 49:31

Ka gluma igne teke giugilui mare thinidi mae Ebraham ghe Sera re, eghuteuna ka gluma igne la teke giugilui mare thinidi mae Isak ghe Rebeka re. Eghuteuna iara neke jaola neke giugilui thinigna Lea na ka gluma igne.