Jenesis 24:65 - Buka Blahi Ka Cheke Holo

⁶⁵ Naꞌa ne ghusna eghu ka nogna mae gloku mae Ebraham na, “Ihei si nanghagna na mae te nolo te mei ka tahati ana ia?” Mae gloku na ne cheke eghu ka naꞌa, “Tuana ngala thugna nogu mae funei iara na.” Aonu Rebeka ne toku tafru tathagna nei foflogna teure ka pohe na.

Jenesis 24:65 Referans Kwoze

Ululahu Timoti 2:9

Eghuteuna iara jaola magnahaghedi gaꞌasera mala pipichi pohe te nabadi, thosei fahaghe kmana nafnata pohe ba phoko te theome raꞌe doglo ka tathagna naikno na. Thosei flehi khakla ba lilisei gol ba buli siasigla ka pha'ure, ba ghathoni te mala pipichi pohe te foli ka sileni te biꞌo fara te mala fakhuakhudadi thedi.

Ululahu Korin 11:10

Eghume, naugna igne gaꞌase na mala toku tafru pha'ugna na kate tarai ba toutonuni chekegna God na. Gaꞌase na jaola mala toku tafru pha'ugna na naugna naꞌa mala cheke ke uludi hatimare mae engel. Igne u fagaglana gna naꞌa te au ke parigna nogna nolaghi khetogna na.

Jenesis 20:16

Mae Abimelek ne cheke eghu ka Sera, “Iara neke tusu lao ka mae thabusimu iagho gne kaisei thogha silva. Iara neke eni igne ke uludi naikno gre jateula teke poloru gna eghu puhi teke hata mei nigho iara ka sugagu gne. Iara magnahaghedi naikno te gnafa te au balumu iagho igre te lase nigho iagho teke theome eni kaisei najafra na.”

Jenesis 24:64

Rebeka ne filoni mae Isak ne krofu soru ka kamel na.

Jenesis 24:66

Aonu kate mei mare te posa ka mae Isak na, mae gloku na ne toutonu ka mae Isak eigna nogna thei na, nei unha glepo teke edi ka namono teke tei mana na eghu.

Jenesis 38:14

Tama laseni mae Sela gne la biꞌo hi, nu mare theome faghose fadogloni groghe te mala tolaghi naꞌa ka mae Sela na. Aonu naꞌa ne hata koko u pohe teke fahaghe naꞌa na leghuni nodi kastom thedi eigna teke lehehi khetogna na ne hata kaisei vido pohe ne toku tafru tathagna nei foflogna teure ne tei gnokro ka foflogna nabrou te mala tei thoke ka namono Enaim na. Igne kaisei vido ka nabrou te mala tei thoke Timna.

Profet Isaia 47:2

Iagho tei mala figri thina biꞌo te mala ghorhu wit te mala vuhai bret ia. Iagho hata koko pohe te mala toku tafrudi tathamu nei foflomu teu are. Eghuteuna iagho hata koko nou famane pohe ana. Uve, iagho hesra haghe nou pohe na mala kasa ka khoꞌu biꞌo are.