Jenesis 24:42 - Buka Blahi Ka Cheke Holo

⁴² “Kate mei iara ka khoꞌu seu na ginei gne, iara neke tarai eghu, ‘Lord, iagho nogna God nogu mae funei iara Ebraham, togho ghau iara mala tangomana iara te filoni kaisei gaꞌase malagna thugna mana na gognaro gne mala keli nogu gloku iara na ka tathagna nogu mae funei iara na.’

Jenesis 24:42 Referans Kwoze

Nehemaea 1:11

Lord, fanomho ka nogu tharai iara gne nei ka nodi tharai nou naikno gloku iagho te magnahaghei ghatho tahuni nanghamu iagho gre. Togho ghau gognarogne, mala tangomana king te kokhoni ghau iara na, nei mala eni mana unha te toreni iara na eghu.” Ka narane tuare, iara kaisei nogna mae biꞌo king mae ihei te rouronu ghau iara fara, eghuteuna iara thegu kolho te tangomana te reireghidi ghegna waen mana re.

Letas Teke Riso Tei Mae Pol Ka Khiloau Rom 1:10

Tutuani, leuleghu fata kate tarai na iara jaola toreni God mala tothora nabrou ranghi ghau te mala ari filo ghami ghotilo jare na. Te leghuni gaoghathogna God na, leghu lahu na iara ginauna na tangomana te ari posa ka ghotilo na.

Nodi Khoje Hatimare Mae Jiu 90:17

Lord, iagho ngala nomi funei ghehati na. Tusu mei sagho glepo te keli ka ghehati. Togho mei ghami sagho ka gobigna lepo te edi ghehati ra mala ke edi fakeli ghehati.

Nodi Khoje Hatimare Mae Jiu 37:5

Lisa lao nakarhamu na ka khamegna Lord. Fatutuani heta ka mana, eghuteuna mana ginauna na togho nigho iagho.

Esra 8:21

Kate au teu ghehati ka gerigna khoꞌu biꞌo Ahava igne, iara ne cheke ka mae iheire te khapru teu ka vido igne mala thosei ghamu nei nhaꞌa fapari ghami themi ke ulugna God. Eghuteuna ghehati toreni mana mala batu ghami ka nabrou na nei reireghi fakelidi thumi nei nomi gobigna lepore.

Mae Khuru 10:22

Thilomare ne cheke eghu ka mana, “Uve, mae Konilias mae biꞌodi mae armi re ne kuru mei ghami ghetilo. Mana kaisei mae keli fara nei tarai koba ka God. Eghuteuna mae Jiure ghatho tahuni fara mana. U engel nogna God na neke cheke ka mana mala tore nigho mala tei ka sugagna mana na mala nu tangomana mana te nomhidi unha te chekedi iagho are eghu.”

Jenesis 39:3

eghuteuna mae Potifa gne laseni mae Josep gne Lord na e au balugna mana. Naugna igne gobigna lepo te edi mae Josep re ne thofno horoghoto fara ka gaoghathogna mae Potifa re.

Jenesis 24:31

Mae Laban ne cheke eghu ka mana, “Mae biꞌo, Lord na la fablahi nigho iagho hi! Mei sagho mala ari ka suga na. Iagho theome tangomana te au teu agne na. Iara la kulu tarabanahi suga malamu iagho na nei jaola kaisei vido maladi nou kamel iagho re eghu.”

Jenesis 24:11

Kate posa lao ke kosigna namono na, mana ne fatuthuru soru kamel re rhegna khoꞌu seu na. Igne fei grafi ka vido te mala mei toho khoꞌu goro gaꞌase re.

Jenesis 24:27

ne cheke eghu, “Iara magnahaghei te cheke fakelini nanghagna Lord, nogna God nogu mae funei iara Ebraham. Iagho ne kokhoni ni fabrahu nogu mae funei iara na ne eni fabrahu unha teke chekeni iagho ka mana na. Lord, iagho batu ghau iara doglo ne mei ka sugadi vikegna nogu mae funei iara na.”

Ululahu Samuel 1:13

Naꞌa ne tarai kmu ne theome tarai fabiꞌo, eghuteuna mae Eli ne dranga Hana eghu,

Ululahu Samuel 9:6

Nu mae gloku igne ne cheke eghu, “Ginau sagho! Kaisei mae nogna profet God na au ka namono igne. Naiknore ghatho tahuni fara mana naugna gobigna lepo te chekedi mana re thofno tutuani fara. Jame te keli na tapa na tei filoni mana. Glahu tangomana mana te chekeni ka vido aheva te au teu dongki igre.”