Jenesis 24:15 - Buka Blahi Ka Cheke Holo

¹⁵ Kate theome gnafa nga teu mae gloku gne nogna tharai na, Rebeka ne mei funugna ka namono na pala ne mei kaisei botol ka fafragna na. Rebeka gne neke thugna gaꞌase mae Betuel. Eghuteuna mae Betuel gne neke thudi nalhaꞌu ngala Milka ghe Neho. Eghuteuna mae Neho gne neke thabusigna ngala mae Ebraham.

Jenesis 24:15 Referans Kwoze

Jenesis 11:29

Mae Ebram gne neke tolaghi ka Sarai. Sarai gne neke khara neke theo thugna. Eghuteuna mae Naho neke tolaghi ka Milka, thugna mae Haran. Mae Haran gne neke kmadi Milka, Iska nei mae Lot. Mae Tera gne neke hata balugna mae Ebram ghe Sarai nei mae Lot eghu ne jifla ka namono Ur jare Babilonia mala tei Kenan nu mare ne theome tei thoke jare ne te au neu kolho ka namono Haran.

Profet Isaia 65:24

Neuba mare ne theome kilo mei ka iara, iara kulu nomhidihi mare. Neuba mare ne tarai fabrahu ka iara, iara kulu enihi unha te toreni mare na.

Jenesis 24:45

“Kate theome gnafa nga teu iara nogu tharai na, Rebeka ne jifla mei ka namono gne. Naꞌa pala ne mei u botol khoꞌu na ne soru ka khoꞌu seu na mala toho khoꞌu. Aonu iara ne cheke eghu ka naꞌa, ‘Famei katha vido khoꞌu ka iara.’

Profet Isaia 58:9

Eghume, jame te tarai ghotilo ka iara na, iara ginauna nomhi ghami ghotilo. Eghuteuna jame te eha mei ghotilo ka iara na, iara ginauna tarabana mala togho ghami ghotilo. “Jame te koko ghotilo puhi te faparidi keha naiknore, diꞌa ranghidi, tusu khamedi, cheke fadiꞌadi teu keha naiknore,

Nodi Khoje Hatimare Mae Jiu 65:2

Naugna te nomhidi iagho nomi tharai ghehati gre, naikno te gnafa ka namono te gnafa gre ginauna na ari mala fafara ka iagho.

Nodi Khoje Hatimare Mae Jiu 34:15

Lord na reireghidi iheire te au doglo eghuteuna fanomho ka nodi tharaire.

Eksodas 2:16

fitu gaꞌase ne mei ka vido igne. Gaꞌase igre thugna mae Jetro kaisei mae pris gna Midian. Gaꞌase igre mei balu nogna sipu nei nanigot eghu Jetro mae kmadi na mala fakoꞌudi.

Thoutonu Eigna Rut 2:17

Aonu, Rut salo phaꞌudi balire ne ghilei plulu naprai na. Kate salo te gnafa na, naꞌa gnokro soru ne fifliti khunedire ne atha ganodire. Tahudi re jame gijana nabotho kilo.

Thoutonu Eigna Rut 2:2

Aonu Rut ne cheke eghu ka Naomi, “Iara magnahaghei tei loku ka nagare mala salo keha bali kate kato soru te lilisei te tei goro nalhaꞌure are. Jame te keliu ngala teu rehati na, iara ginauna tei ke leghudi reꞌe mala salo tei bali te ikodi are.” Naomi ne cheke eghu ka naꞌa, “Keliu ngala, tei sagho.”

Jenesis 29:9

Kate cheke eghu teu mae Jekop baludi mae greiregi sipu gre, Resel gne ne posa mei baludi nogna sipu mae kmagna re, eigna naꞌa kaisei thau greiregi sipu la.

Jenesis 24:24

Naꞌa ne cheke eghu ka mana, “Iara thugna Betuel, thudi Naho ghe Milka.

Proveb 31:27

Leuleghu fata na naꞌa rugusi kolho, eghuteuna naꞌa reireghi fakelini tharaknagna na.

Jenesis 21:14

Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.

Jenesis 24:14

Iara ginauna na cheke eghu ka kaisei gaꞌase majaghani na, ‘Fasoru nou botol khoꞌu na mala koꞌu iara katha vido khoꞌu.’ Aonu naꞌa ginauna na cheke eghu, ‘Koꞌu sagho, eghuteuna iara ginauna na jaola fakokhoꞌu nou kamel iagho gre eghu.’ Jame gaꞌase te eghu igne ngala te malagna nou mae gloku iagho Isak na. Uve, jame eghu tutuani glepo igre meuna, iara ginauna na lase nigho iagho te thofno kheragna fofodu nogu mae funei iara gne, ne magnahaghei toghoni mana.”

Jenesis 25:20

Mae Isak gne neke phiatutu finoghagna neke tolaghi na ka Rebeka. Rebeka gne neke thugna mae Betuel, kaisei mae ka vikegna mae Aram maegna Mesopotemia. Eghuteuna Rebeka gne neke greghagna mae Laban ka vikegna mae Aram.

Ululahu Samuel 9:11

Kate haghe phiamare ka thogele na te mala tei lamna namono na, phiamare ne thafodi goro gaꞌase te soru mala toho khoꞌu teure. Eghuteuna phiamare ne ghusna eghu ka reꞌe, “Ba, mae khaekae na au ka namono, ba theo?”

Jenesis 29:5

Aonu mae Jekop ne ghusna eghu ka mare, “Ghotilo laseni mae Laban gragna mae Naho na?” Mare ne cheke eghu, “Uve, ghehati laseni mana.”