Jenesis 23:11 - Buka Blahi Ka Cheke Holo

¹¹ “Mae biꞌo, fanomho ka nogu cheke iara gne, iagho theome tangomana te foli u gluma igne. Iara ginauna na snakreni kolho ka iagho, balugna vido glose te au gluma igne. Ke uludi vikegu iara igre, iara gognaro na snakreni glose igne ka iagho mala giugilui iagho khetomu na.”

Jenesis 23:11 Referans Kwoze

Luku 19:24

“Aonu mae funei na ne cheke eghu ka mae te kegra teu jare re, ‘Ghotilo hata ka mana duku sileni ana mala ke tusu lao ka mae gloku te au nabotho duku sileni ana.’

Profet Isaia 32:8

Nu mae te keli na sasaꞌa te mala toghodi keha naiknore, eghuteuna leuleghu fata na mana ghaoghatho te mala edi glepo te kelire.

Thoutonu Eigna Rut 4:11

Aonu hatimare mae funei nei keha mae biꞌo langau eghu au teku jare na ne kafe cheke eghu, “Uve, keli fara, ghehati gne mala cheke balumu iagho. God fablahini Rut ihei nate mei au ka sugamu iagho na mala jateula teke edi Resel ghe Lea tifara eghu, eigna repa neke au kmana thudi ka Jekop, tahati gne neke vikegna mana. Iagho mala kaisei mae funei te fnakno ka namonoda Betlehem ka nohi Efrata.

Thoutonu Eigna Rut 4:9

Mae Boas ne cheke eghu ke uludi hatimare mae funeire nei keha mae biꞌola ngau teure, “Filo ghotilo ia. Gognaro na iara la foli fajifla hila ka khamegna Naomi gobigna lepo teke khotodi naꞌa ra. Gobigna lepo teke nodi mae Elimelek, mae Kilion nei mae Malon teku ra gognaro na kela noguhi iara.

Thoutonu Eigna Rut 4:4

Iara magnahaghei te cheke ka iagho mae thabusigu ia glahula me magnahaghei iagho vido glose igne. Te magnahagheni iagho na, iagho na foli vido glose igne ke uludi hatimare mae funei te gnokro teu igre eghu ia. Nu jame te tirouni iagho na, iagho cheke mei ka iara gognarola mala laseni iara, naugna iagho ngala te au nolaghi te mala foli na vido glose igne. Nu jame te theome foli na, iara gne ngala fapea mae te au nogu nolaghi te mala foli na vido glose igne eghu.” Mae igne ne cheke eghu ka mae Boas, “Uve, keliu ngala, iara na foli vido glose igne.”

Thoutonu Eigna Rut 4:1

Mae Boas ne tei ka grengathagna namono te mala faidu na ne gnokro ofo neu jare. Theome raugha mae Boas ne filo thafoni mae ihei teke chekeni mana ka Rut ia, mana ne mei salaꞌu jare. Mae Boas ne cheke eghu ka mana, “Ghema thabusigna, meigu sagho agne.” Aonu mana mei ne gnokro soru balugna mae Boas.

Diutronomi 19:15

Aonu mae Moses ne cheke eghu, “Ghotilo theome tangomana te fateni ihei jame te kaisei witnes kolho te chekeni najafragna mana na. Phei ba thilo mae te mala witnes ka najafra teke eni mana na ame fateni nga ghotilo mana eghu.

Diutronomi 17:6

Nu ulu lahu na, ame aknu falehe nga ghotilo teu na, ghotilo mala au phei ba thilo witnes ka puhi igne. Jame kaisei mae kolho te chekeni glepo igne na, ghotilo theome tangomana te faleheni mana ba gaꞌase na.

Naba 35:30

“Jame kaisei mae faleheni keha mae na, mae tuana jaola mala lehe. Nu ghotilo mala au phei ba thiloi nomi witnes mala cheke fajiflani glepo igne ne tuani ba theo teuna, nu jame te kaisei mae witnes kolho na mana theome nabagna te lehe na.

Jenesis 23:6

“Mae biꞌo, iagho kaisei mae biꞌo mala baubatu ka ghehati agne. Iagho tangomana te filoni kaisei gluma te keli ka ghehati agne mala giugilu thinigna khetomu na. Iagho tangomana te vahini kaisei gluma aheva te magnahagheni iagho na, eghuteuna mae khotogna gluma igne na ginauna na snakreni ka iagho mala giugilu iagho khetomu na.”

Jenesis 23:12

Aonu mae Ebraham ne pogho soru pari,