Jenesis 2:7 - Buka Blahi Ka Cheke Holo

⁷ Aonu Lord God ne hata na phuki glose ne vuavuha naikno. Eghuteuna Lord God neke phanga lao ka nehugna naikno na mala karha mana. Eghuteuna mana ne funu phaphanga.

Jenesis 2:7 Referans Kwoze

Ululahu Korin 15:45

Naugna u grioriso te blahi na cheke eghu, “Naikno ulu lahu na mae Adam, God neke vuavuhani mana mala karha.” Nu mae Adam leghu lahu na Tharunga mala tusu meini thofno nakarha na ka naiknore.

Thoutonu Eigna Mae Job 33:4

Tharunga te Blahi nogna God mae ihei te au nolaghi fateote'o igne, teke vuavuha ghau iara na, eghuteuna tusu mei nakarha ka iara.

Eklesiasti 12:7

Uve, thinida tahati gre ginauna nake pulo ka glose, eghuteuna nakarhagna God teke tusu mei ka tahati igne ginauna nake pulo ka mana.

Profet Isaia 64:8

Nu Lord, iagho kmami ghehati. Ghehati jateula glose eghu, eghuteuna iagho jateula mae ihei te hohoro suspen ka glose ra eghu. Iagho neke vuavuha ghami ghehati hui ka khamemu iagho.

Mae Khuru 17:25

God igne theome kmo'e ka kaisei glepo mala toghoni tahati. Theo. Naugna mana thegna ngala teke tusu lao nakarha nei phaphanga nei gobigna lepo teu ka naikno te gnafare.

Ululahu Korin 15:47

Mae Adam ulu lahu na God neke vuavuhani mana ka glose gna nauthoglu igne, nu fapea Adam gne neke mei funu kligna.

Thoutonu Eigna Mae Job 27:3

Kate au teu katha nakarhagna God ke lamnagu iara na,

Profet Sekaraea 12:1

Kaisei nogna cheke profet: Cheke igne mei funugna ka Lord eigna Israel. Lord mae ihei teke edi maloa ghe nauthoglu igne, mana neke tusu lao nakarha na ka naikno, neke cheke eghu,

Nodi Khoje Hatimare Mae Jiu 103:14

God lase ghita tahati te theo noda nolaghi theda na. Eghuteuna ka gaoghathogna mana na, tahati gne khogla glose kolho. Naugna mana neke hata glose neke vuavuha ghita tahati.

Nodi Khoje Hatimare Mae Jiu 100:3

Ghotilo mala filo glani mana eigna Lord na mana God. Tahati nogna mana, naugna mana neke vuavuha ghita. Tahati nogna naikno mana te fiofilo ghita jateula nogna sipu.

Letas Teke Riso Tei Mae Pol Ka Khiloau Rom 9:20

Nu nogu cheke tughu iara na, iagho ihei sia te mala cheke fapulo ka God na? Iagho naikno kolho! Gaoghathogu iara na igne. Tapera teke hohoro mare ka glose na theome tangomana teke cheke eghu fapulo ka mae ihei teke hohorogna na, “Naugna unha sagho teke hohoro eghu ghau iara gnea?”

Profet Isaia 2:22

Ghotilo thosei au nomi grouronu kaisei phile ka naikno, naugna mare theome au raugha lehe kolho. Mare theo nafudi kolho eghuteuna theome tangomana nate togho ghami ghotilo.

Jenesis 3:23

Aonu Lord God ne brue fajifladi repa ka nagare Eden na mala loku repa ka glose teke vuavuhadi repa God na.

Hibru 12:9

Neubane para ghita koba mae kmada te gnafa ka nauthoglu gne, tahati ghatho tahudi koba mare. Naugna igne thofno keli fara tahati te leghuni mae Kmada te au kligna na mala au ka karha balugna mana.

Naba 16:22

Nu mae Moses ghe mae pris Eron pogho soru pari ne tarai eghu, “God, iagho ngala teke tusu lao nakarha ka gobigna lepo igre. Jame kaisei mae eni kaisei glepo te diꞌa, iagho ginauna diꞌatamu ka naikno te gnafa igre eghu sia?”

Proveb 20:27

Lord na filo supli thiꞌagna naikno na, eghuteuna theo kaisei glepo te poru ka nakarha na.

Thoutonu Eigna Mae Job 33:6

Iagho jateula iara eghu kolho ka tathagna God na. God na jaola neke vuavuha ghau iara ka glose, jateula iagho eghu.

Fapea Korin 5:1

Tahati laseni kate lehe kau nauthoglu gne tahati tangomana te tei au ka thini majaghani te tusu ranghi ghita God kligna na. God ginauna nake vuavuha thini tahati gne mala au fabrahu. Naikno na theome tangomana te vuavuha thini tuana.

Fapea Korin 4:7

Nu neuba ghehati ne hatini gloku te mala toutonu u Nonomho te Keli na, ghehati tharuma naikno kolho jateula dis te hohoro ka glose ia eghu kolho. Eghume naikno te gnafare kafe laseni u nolaghi biꞌo te mala laseni gloku igne neke mei funu ka God, theome neke mei funu ka ghehati.

Jone 20:22

Gnafa teuna, mana ne phanga lao ke klignadi mare ne cheke eghu, “Gognarona ghotilo atha Tharunga te Blahi gne.

Thoutonu Eigna Mae Job 4:19

Ba, na rouronudi Lord naikno teke horo kolho ka glose igre neu sagho ia? Theo! Mana theome tangomana te rouronuni naikno teke jifla mei kolho ka gaughavu na. Naikno na ghosei lehe kolho jateula kaisei sua naꞌalo te aknu falehe naiknora eghu kolho.

Naba 27:16

“Lord, iagho ngala God te funei frunidi iheire naikno te karha igre, eghume iagho vahini kaisei mae mala ke batudi naiknodi Israel gre.

Eklesiasti 3:7

Narane mala reku pohe nei narane mala susuki pohe. Narane mala au kmu nei narane mala cheke.

Ululahu Timoti 2:13

Naugna te laseni tahati na, God neke kulu vuavuhani mae Adam, eghuteuna ke leghu na ame vuavuhani nga Ivi.

Jenesis 2:6

Nu glokhare fura haghe mala au khoꞌu ka nauthoglu igne mala fabobothudi gaju nei buburu ba thua nafnata sisi fateo.

Lamentations 4:20

King igne neke vavahi Lord, mana jateula te louloku teu eghu nakarhada tahati gre. Tahati gaoghathoda na mana tangomana te reireghi ghita ka keha kantri are neku, nu naoka hata fajiflani mana ka tahati.

Profet Esikiel 37:5

Lord God na cheke eghu ka ghotilo: Iara ginauna nake lisei fapulo nuri gna naikno na ke lamnami ghotilo mala ke karha ghotilo.

Jenesis 1:27

Aonu God ne vuavuha naikno, gaꞌase ghe nalhaꞌu mala jateula thegna eghu.

Profet Esikiel 37:6

Iara ginauna nake lisei fapulo naula nei nafnahi eghu ka ghotilo, eghuteuna toku tafru ghami ka guli. Eghuteuna iara ginauna nake lisei fapulo u nakarha na ke lamnami ghotilo, mala ke karha ghotilo. Aonu ghotilo ginauna laseni te iara Lord.’ ”