Jenesis 16:3 - Buka Blahi Ka Cheke Holo

³ Sarai ne snakreni nogna gaꞌase gloku na ka mae Ebram mala jateula khetogna eghu mana. Ka narane igne mae Ebram auhi Kenan nabotho finogha.

Jenesis 16:3 Referans Kwoze

Jenesis 16:5

Aonu Sarai ne cheke eghu ka mae Ebram, “Hega gne gognaro na theome keli ranghi ghau iara, eghuteuna igne u nakhibomu iagho! Tutuani, iara ngala teke snakreni nogu naikno gloku na ka iagho na. Nu gognaro na naꞌa la laseni te bukla thegna na, la filo fapari ghau iara eigna naꞌa ne naikno ke keli gu iarai eghu ka gaoghathogna! Eghume te magnahagheni iara na Lord ginauna na vahi meini ihei gne te doglo ka tapa na.”

Galesia 4:25

Hega gne gaoghathogna na Sanai eghu, kaisei thogele Arebia, nu jaola kaisei thotoghale gna namono biꞌo Jerusalem. Naugna Jerusalem gne jateula kaisei mae sneka eghu, eghuteuna naikno Jiu teke au ka namono Jerusalem igre mare jateula mae sneka eghu. Naugna mare mala leghuni nogna vetula mae Moses na.

Ululahu Kings 11:3

Mana ne tolaghi ka fitu gobi gaꞌase, gaꞌase igre thudi hatimare mae king, eghuteuna mana jaola au thilo gobi khetogna te loku ranghini mana. Eghuteuna gaꞌase igre hata fadelei gaoghathogna mana na mala figri tagruni Lord.

Fapea Samuel 5:13

Kate jifla mae Devet Hebron te mei au Jerusalem igne, mana ne hata keha gaꞌase mala khetogna, eghuteuna kehare mala nogna gaꞌase gloku. Mana ne au kmana thugna nalhaꞌu nei gaꞌase ka khetogna igre.

Jenesis 35:22

Kate au teu mare ka namono igne mae Ruben tei ne thuru balugna Bilha fapea khetogna mae kmagna. Kate nomhini igne mae Jekop, keha nanghagna na mae Israel gne, mana ne diꞌatagna fara. Mae Jekop gne nabotho phei mae thugna.

Jenesis 32:22

Ka bongi tuana mae Jekop kegra haghe ne hata phei khetognare, phei nogna gaꞌase gloku re nei nabotho kaisei thugnare neu ne kasa ka khoꞌu Jabok.

Jenesis 30:9

Lea lasenihi nate theome bukla na ne snakreni Silpa, nogna gaꞌase gloku na ka mae Jekop mala jateula te khetogna eghu mana.

Jenesis 30:4

Aonu Resel ne hata Bilha nogna gaꞌase gloku thegna na ne snakre lao ka mae Jekop mala jateula khetogna eghu mana. Eghuteuna mae Jekop ne thuru balugna Bilha.

Jenesis 28:9

Aonu mana ne tei ka sugagna mae Ismael thugna mae Ebraham na ne hata fatilo gaꞌase na, nanghagna na gaꞌase igne Mahalat, thugna gaꞌase mae Ismael, greghagna mae Nebaeot.

Jenesis 25:6

Nu ka narane teke theome lehe nga teku mae Ebraham na, mana neke tusu lao namha ranghidi mae thugna nalhaꞌu teke karha ka fapea khetogna na. Eghuteuna mana neke kuru teidi fei ke maghati mala au fakhaba mare ka mae Isak, mae thofno thugna na.

Jenesis 16:4

Mae Ebram ne thuru balugna Hega, eghuteuna Hega ne bukla. Kate laseni naꞌa te bukla na, naꞌa ne funu susukuni Sarai, khetogna nogna mae funei na.

Jenesis 16:16

Ka narane te karha mei mae Ismael ka Hega igne mae Ebram la nhana salei namno finogha gna hi.

Jenesis 21:21

Kate au teu mana ka namono nagou Paran gne, idogna mana na ne tei hata kaisei khetogna mana ka namono Ijep.