Jenesis 15:9 - Buka Blahi Ka Cheke Holo

⁹ Lord ne cheke eghu ka mae Ebram, “Eni sagho unha te chekeni iara na. Iara ginauna falase arini ka iagho nate snakre arini iara vido glose igne ka iagho na. Hata mei ka iara kaisei buluka te thilo finogha gna, kaisei nanigot te thilo finogha gna, kaisei lam nalhaꞌu gna te thilo finogha gna, nei kaisei sua thukmu nei kaisei sua balhu eghu.”

Jenesis 15:9 Referans Kwoze

Luku 2:24

Josep ghe Meri jaola ne tei mala fafara jateula te eghu ka nogna vetula God na, “Ghotilo hata mei phei balhu ba phei thukmu.”

Levitikas 14:30

Aonu mana mala fafara mei ka iara phei balhu ba phei thukmu majaghani naba unha mana tangomana te foli.

Levitikas 14:22

Eghuteuna mana mala atha mei phei balhu ba phei thukmu majaghani unha te naba te foli mana na. Kaisei mala fafara mala ke doglo mana ka tathagu iara na, eghuteuna keha na mala eni fafara te thofno krono.

Levitikas 9:2

Mana ne cheke eghu ka mae Eron, “Iagho atha mei kaisei buluka majaghani nalhaꞌugna nei kaisei sipu nalhaꞌugna te theo kaisei thona ka thinidi re. Buluka igne mala fafara mala doglo iagho ka tathagna Lord, eghuteuna sipu igne mala fafara mala thofno krono.

Levitikas 3:6

“Jame kaisei mae ka ghotilo magnahaghei te atha sipu ba nanigot mala fafara ka iara Lord mala laseni mana te au fakeli balugu iara na, mana tangomana te atha te mei kaisei nalhaꞌugna ba gaꞌasegna te theo kaisei thona ka thinigna na.

Levitikas 3:1

Lord ne cheke eghu, “Jame kaisei mae ka ghotilo magnahaghei fafara mala au fakeli balugu iara, mana tangomana te atha kaisei nalhaꞌugna ba gaꞌase gna buluka te theo kaisei thona ka thinigna na, eghuteuna mana atha mei ke ulugu iara.

Levitikas 1:14

“Jame kaisei mae ka ghotilo magnahaghei te fafara kaisei nanghaji te krono fara, mana mala atha mei kaisei thukmu ba kaisei balhu.

Profet Isaia 15:5

“Nu iara ne kokhoni nogudi fara naiknodi Moab igre. Naugna keha ka naikno igre rikha ne tei thoke ka namono Soa, eghuteuna keha naiknore ne tei posa ka namono Eglat-Selisia. Eghuteuna keha ka mare tanhi leghu brou ne haghe ka namono Luhit. Eghuteuna keha ka mare jaola tanhi rikha doglo ne tei ka namono Horonaem.

Nodi Khoje Hatimare Mae Jiu 50:5

Ghopa maloa ghe nauthoglu ra fanomho ka God kate cheke teu mana ka nogna naiknore. Mana na cheke eghu, “Ghotilo nogu naikno iara teke nhaꞌa cheke balugu iara ra, nei fafara mala farerhetagna u nhaꞌa cheke igne teura, ghotilo khapru mei ke ulugu iara.”

Levitikas 12:8

Jame gaꞌase igne kuma fara eghuteuna naꞌa theome tangomana te atha te mei sipu ikoi na, naꞌa tangomana te atha te mei phei balhu ba phei thukmu majaghani, keha na mala fafara te thofno krono na eghuteuna keha na mala doglo naꞌa ka tathagu iara na. Eghuteuna pris ginauna atha mei phei nanghaji igre mala fafara ka iara mala klino gaꞌase igne ka tathagu iara Lord na.”

Levitikas 9:4

Eghuteuna mare mala atha mei kaisei buluka nalhaꞌugna balugna kaisei sipu nalhaꞌugna mala fafara mala laseni te au fakeli balugna Lord. Mare jaola mala fafara ka glepo tautagu igre balu flaoa ka famane wit teke ngigno fodu mare balu oliv oel. Mare mala edi glepo igre gognaro, naugna Lord ginauna thakle ka tahati ka narane gognaro gne.”

Levitikas 1:10

“Jame kaisei mae ka ghotilo magnahaghei fafara sipu ba nanigot te thofno krono, mana atha kaisei nalhaꞌu gna te theo kaisei thona ka thinigna na.

Levitikas 1:3

Lord ne cheke eghu, “Jame kaisei mae ka ghotilo magnahaghei mala fafara buluka nalhaꞌu te thofno krono, mana mala atha kaisei te famane te theome au kaisei thona ka thinigna na. Mana mala tusu mei ka iara ka grengathagna Suga tapuale te Blahi te namo ka Olta te mala Gahu Fafara tagna na, mala kelitagu iara. Eghuteuna mae igne mala habo lao khamegna na ka phaꞌugna buluka nalhaꞌugna, eghuteuna iara ginauna kelitagu ka fafara tuana mala atha koko nakhibogna mae igne. Eghuteuna mana mala falelehe buluka nalhaꞌugna na ke ulugu iara, eghuteuna mae pris ka vikegna mae Eron igne ginauna atha dadaragna na atha mei ka iara mala totofa ka fati philegna olta na.

Jenesis 22:13

Aonu mae Ebraham ne filo tafri ne filoni kaisei sipu nalhaꞌu gna te khale teu hona gnana ka gaju ikoi na. Aonu mae Ebraham tei ne hata sipu igne ne falelehe ne gahu ne fafara tongana ka God. Eghume u sipu igne ne lehe tughuni mae Isak.

Jenesis 15:8

Nu mae Ebram ne cheke eghu, “Lord God, faꞌunha eghu laseni iara namono igne nate nogu iara na?”

Jenesis 15:10

Mae Ebram ne leghuni unha te chekeni Lord na ne hata ne mei glepo igre ka mana. Aonu mae Ebram ne vahe pea buluka, nanigot nei lam teure ka phei vido ne lilisei fagleghui ka phei thura. Nu mana ne theome vahe pea phei nanghaji gre.

Levitikas 12:6

“Jame gaꞌase na karha kaisei thugna eghuteuna kate theome klino naꞌa ka tathagu iara na, naꞌa atha mei kaisei sipu ikoi te kaisei finoghagna, eghuteuna tusu lao ka pris ka grengathagna Suga tapuale te Blahi na. Sipu ikoi igne mala fafara te thono krono fara. Eghuteuna naꞌa mala atha mei kaisei thukmu majaghani ba kaisei balhu mala fafara mala doglo thegna ka tathagu iara na.

Famane Khoje 2:12

Uve, narane te mala tatasrei na la mei hi. Gognarona narane mala koje, eghuteuna heva heva ka noda glose gre iagho tangomana te nomhidi balhu te koje re, eghuteuna sisi mata igre funu kotu tafru glose na.