Jenesis 1:14 - Buka Blahi Ka Cheke Holo

¹⁴ Aonu God ne cheke eghu, “Naprai nei glaba nei nathunu te au ka maloa na igre mala fotadi narane ghe bongi gre. Naprai gne mala phae ka narane eghuteuna glaba nei nathunu teu igre mala phae bongiro eghu mala fagaglanadi narane, nhigra ba finogha.”

Jenesis 1:14 Referans Kwoze

Diutronomi 4:19

Ghotilo fiofilo ghami glahu chaghi ghami mare korhi ghami mala pogho soru nei tarai eghu ka glepo te filodi ka maloa na are, naprai nei glaba, nei nathunu. Lord neke tusu mei glepo igre ka keha naikno te au heva heva ka nauthoglu igne mala tarai nei pogho soruni eghu God.

Profet Jeremaea 31:35

God neke lillisei naprai na mala phae ka narane, eghuteuna glaba nei nathunu teu igre mala phae bongiro. Mana neke eni thongna gne mala malu oa'ongha fabiꞌo. Nanghagna God igne, Lord mae ihei te au nolaghi fateote'o. Igne unha te chekeni Lord na:

Nodi Khoje Hatimare Mae Jiu 148:3

Ghopa naprai ghe glabara, ghopa mala kilo fnaknoni mana. Uve, ghotilo nathunura, ghotilo jaola kilo fnaknoni mana.

Nodi Khoje Hatimare Mae Jiu 148:6

Mana neke lisei sorudi ka vido te mala audi te tifa te tifa na. Nei mala thosei ke tughu vido.

Profet Emos 5:8

God mae ihei teke vuavuhadi nathunu, nei thua nafnotu fateote'o te phae ka maloa na are, mana tangomana te chekeni gromno na te mala ke phae na, eghuteuna naphae na mala ke romno. Mana tangomana te chekeni thongna na mala tei phosa mata ka glose te moja na. Mana ginauna tangomana te ghosei te goigonidi iheire te nheta ka nauthoglu igne, nei pa'e soru nodi suga teke babana famakure. God tangomana te edi glepo igre, eghuteuna nanghagna mana na, Lord.

Profet Joel 3:15

Ka narane tuana, naprai, nei glaba, nei nathunu teu igre ginauna kafe romno soru.

Profet Jeremaea 10:2

Lord ne cheke eghu, “Thosei leghuni puhidi naiknodi keha kantri are. Eigna mare tangomana te filodi thua nafnata fagaglana te thakle mei ka maloa. Nu neuba mare ne mhaghudi fagaglana tuare, ghotilo thosei mhaghudi.

Nodi Khoje Hatimare Mae Jiu 81:3

Kau gaghamu khafa nei kau gaghamu glaba rane teu igre tahati kufli mala fufunu tharai na.

Jenesis 8:22

Uve, ginauna na au nhigra mala joꞌu nei mala dokha, nei nhigra mala reka nei mala brana, nei nhigra mala nakhete nei mala naprai, nei vido narane mala phae nei mala romno. U nafnata vido igre ginauna na theome gnafa kate aunga teu nauthoglu igne.”

Profet Isaia 40:26

Ghotilo filo haghe ka maloa gno! Ihei teke edi nathunu are?” Lord neke edi neke lilisei ka thofno vido mala audire, eghuteuna mana jaola neke lilisei nanghadi. Naugna mana thofno nheta fara nei au nolaghi fateote'o, eghuteuna theo kaisei nathunu te dofi ka mala augna na.

Matiu 24:29

“Theome raugha ke leghudi puhi biꞌo te edi ka narane igre, “ ‘Naprai na ginauna romno soru. Glaba na ginauna theome agha. Nathunure ginauna khoko soru funudi ka maloa na. Aonu gobigna lepo te au ka maloa na are ginauna na thugha tafri.’

Profet Emos 8:9

Igne nogna cheke Lord God na, “Ka narane tuana, iara ginauna chekeni naprai na mala plulu farihotei naublatha, eghuteuna nauthoglu igne ginauna romno soru kate agha teu narane na.

Profet Joel 2:10

Kate kafe thugha mei cheche igre na, nauthoglu ghe maloa igre na kafe nghali. Naprai ghe glaba igre ginauna na kafe romno soru, eghuteuna nathunu are ginauna theome agha.

Profet Jeremaea 33:20

Lord ne cheke eghu, “Ghema Jeremaea, iara neke eni kaisei nhaꞌa cheke baludi narane ghe bongi, eghuteuna leuleghu fata na narane na phage haghe koba hamerane boibongi, eghuteuna bongi na ginauna na jaola plulu koba fei grafi. Eghuteuna theo kaisei naikno nate huhughuni nhaꞌa cheke igne.

Thakle 6:12

Aonu kate filo teu iara na, mae Lam na ne hata koko fafamno loke gna buka na. Kaisei nakheu biꞌo ne nghali tongana, eghuteuna naprai na ne theome agha. Heva te heva ka nauthoglu igne na ne kafe romno soru, eghuteuna glaba na ne ukru jateula dadara neu.

Matiu 2:2

Mare ne ghusna eghu, “Ne karha aheva si mae sua nalhaꞌu te mala nomi mae King ghotilo mae Jiu grea? Ghehati ne filoni nogna nathunu mana te haghe ke maghati. Eghume, ghehati mei mala pogho soru ranghini mana.”

Profet Esikiel 46:1

Lord God neke cheke eghu, “Ka namno narane igre mala loku, grengatha ke maghati gna glalaba ikoi rhegna nogu Sugablahi iara igne mala bobotho. Ghotilo ginauna tothora kolho ka narane Sabat nei ka Gaghamu Khafa.

Profet Jeremaea 33:25

Nu iara cheke tutuani ka ghotilo: Iara ginauna na theome huhughuni nhaꞌa cheke teke eni iara baludi narane ghe bongi ra, eghuteuna iara ginauna na theome snakredi maloa ghe nauthoglu igre te huhughudi nogu vetula re.

Thoutonu Eigna Mae Job 25:5

Kate filo God ka glaba nei nathunu teu igre, tuare theome agha fakeli ka tathagna mana na.

Thakle 8:12

Aonu fafati engel na ne ifu nogna khufli na. Eghuteuna kaisei vido biꞌo ka naprai na nei kaisei vido biꞌo ka glaba na eghu ne kafe blalho. Eghuteuna fatilodi nathunure jaola ne blalho. Eghume kaisei vido biꞌo ka narane na ne theome phae, eghuteuna kaisei vido biꞌo ka bongi na ne jaola.

Nonomho Te Keli Teke Risoi Mae Mak 13:24

Mae Jisas ne cheke eghu, “Ke leghugna narane te mei puhi biꞌo igne, “ ‘Naprai na ginauna romno soru. Glaba na ginauna theome agha.

Profet Esikiel 46:6

Eghuteuna ka Gaghamu Khafa na, king mala hata mei kaisei sua buluka nalhaꞌu gna, nei namno sua sipu, nei kaisei sipu nalhaꞌu gna te theome au kaisei thona ka thini gna na, mala fafara mei ka iara.

Nodi Khoje Hatimare Mae Jiu 119:91

Gobigna lepo igre au fabrahu funu tifa ghilei mei posa ka narane gognaro gre leghuni nou cheke iagho na, naugna glepo igre leghuni mei unha teke cheke ranghidi iagho re.

Thoutonu Eigna Mae Job 25:3

Theo kaisei naikno tangomana te kahadi engel ke lamnagna nogna armi mana na. Eghuteuna nogna juta mana na sigla tei ka namono te gnafa ka nauthoglu igne.

Thoutonu Eigna Mae Job 3:9

Jame te keli na nathunu hamerane ka bongi tuana mala romno fabrahu. Eghuteuna te keli na jame bongi tuana fiti ofoni naphae na.

Thakle 9:2

Kate tothora mana glave te mamhara igne, gagahu biꞌo na ne jifla mei ka glave na jateula gagahu khaꞌaghi te biꞌo fara neu. Eghuteuna gagahu te jifla mei ka glave na igne ne toku tafruni naphaegna naprai na ne romno fara maloa na.

Jenesis 1:13

Rafi soru nei hamerane haghe. Igne fatilo narane na.

Jenesis 1:15

Glepo igre mala au ka maloa gne mala faphaeni nauthoglu igne. Aonu glepo igre thofno leghuni chekegna God na ne au jare ka maloa na.

Nodi Khoje Hatimare Mae Jiu 150:1

Tahati kilo fnaknoni Lord! Tahati kilo fnaknoni God ka nogna Sugablahi na. Uve, tahati kilo fnaknoni mana eigna nogna nolaghi te au kligna.