Jajis 9:19 - Buka Blahi Ka Cheke Holo

¹⁹ Jame te doglo unha teke edi ghotilo ranghini Jerub-Baal nei tharaknagna mana teku igre, ghotilo ginauna tangomana te glealeꞌa balugna Abimelek, eghuteuna mana ginauna glealeꞌa balumi ghotilo.

Jajis 9:19 Referans Kwoze

Profet Isaia 8:6

“Filo sagho! Naikno igre theome magnahaghei ghau iara. Nu iara jateula khoꞌu gna Siloa te famane loloro ia eghu. Mare theome magnahagheni puhigu iara na, naugna mare keli tadi fara ka mae King Resin gna Damaskas ghe mae King Peka gna Samaria.

Jemes 4:16

Nu ghotilo fahaehaghe fara eidi unha edi ghotilo glepo igre. Te eni tahati nafnata cheke tuana eigna noda gloku nathuꞌu na thono jafra fara.

Filipae 3:3

Neubane eghu ngau, tahati nogna naikno God gre thofno laseni gaoghathogna tohi fagaglana. Naugna nogna Tharunga te Blahi God na te togho ghita tahati te mala pogho soru ranghini mana na. Tutuani, tahati gleale'a te kaisei balugna mae Jisas Kraes. Jaola theo kaisei noda fatutuani ka unha te eni ka thinida na.

Jajis 6:32

Aonu, funu ka narane igne, Joas ne kiloni Gidion, Jerub-Baal, gaoghathogna na, “Snakreni Baal mala tafrani thegna,” naugna Gidion neke paꞌe soru nogna olta Baal tuana.

Jajis 9:18

Nu gognarona, ghotilo theome keli ranghini mana nei tharaknagna mana na. Ghotilo neke aknu falehe fitusalei thugna mana ra ke kligna kaisei thina, eghuteuna kaisei iara kolho teke rikha na. Filo si ghotilo! Abimelek igne thugna nogna gaꞌase gloku kmagu iara kolho, nu naugna mana kaisei kherami ghotilo, ghotilo vahini mana mala nomi funei ghotilo.

Jajis 9:20

Nu jame te theo ghotilo na, Abimelek ginauna jateula khaꞌaghi eghu nhako ghotilo mae iheire teke vahini mana te mala funei na, eghuteuna puhimi ghotilo naiknomi Sekem nei Bet-Milo teu igre ginauna na jateula khaꞌaghi eghu na jaola nhako Abimelek.”