Jajis 8:26 - Buka Blahi Ka Cheke Holo

²⁶ Tahudi dedenge gol te toredi Gidion ka mare igre, namo thokeni varadaki kilo. Eghuteuna mare jaola tusu lao keha glepo teke hata ka soldia di Midian. Igre chen gol, nei khome, nei nodi famane pohe nodi king, nei famane glepo te mala fagefe lao mare ka graradi nodi kamel re.

Jajis 8:26 Referans Kwoze

Thakle 18:12

Tifa na mare foifoli gol, silva, famane thina, buli, famane pohe te vegha, te pipito, nei te ukru. Pohe igre biꞌo fara silenidire. Mare foifoli thua nafnata gaju te famane fara nei thua nafnata glepo teke hohoro ka khe'i elefant nei teke hohoro ka nafnata gaju te ulu fara. Mare fofoli bras, aean, nei famane thina mabol.

Jone 19:5

Aonu, mae Jisas ne jifla mei ne kegra ke uludi mare balugna khepi fifiriulu na, nei nogna phoko ukru mae king. Mae Paelat ne cheke eghu ka mae Jiu gre, “Filoi ghotilo! Igne mana na!”

Jone 19:2

Ke leghugna igne, mae soldiare ne lolhopo kaisei khepi fifiriulu ne nhaꞌa lao ka pha'ugna mae Jisas na. Eghuteuna, mare ne fapoko lao kaisei nogna phoko ukru king ka mana mala maꞌeni mana.

Profet Jeremaea 10:9

Mae iheire te laseni gloku igne, mare lalaoni mumuju igre ka famane silva teke atha kantri Spen nei ka gol teke atha namono biꞌo Ufa. Aonu mare fapipichi mumuju igre ka famane pohe te ngonge jateula nogna pohe king eghu.

Nogna Buka Esta 8:15

Mare ne fapichi lao ka mae Modikae pohe te jateula blu teu, ne pohei te vegha. Mare ne fapichi lao kaisei phoko ukru te brahu, nei kaisei khepi nafnakno te gol ka mana, aonu mana ne jifla mei ka suga gna king. Aonu naikno te gnafa ka vido te gnafa ke lamnagna namono biꞌo Susa igre ne kafe eha fabiꞌo balu gleale'a.

Thakle 17:4

Pohe te pipichi gaꞌase na pipito nei ukru jateula nogna pohe gaꞌase te funei frunidi naiknora eghu. Eghuteuna naꞌa jaola fahaghe glepo te gol nei famane thina nei buli te siasigla. Ka khamegna na naꞌa louloku kaisei kapu teke hohoro ka gol te fodu ka glepo te diꞌa te thona fara. Eghuteuna glepo igre, puhi chara teke edi naꞌa ka naiknore.

Profet Esikiel 27:7

Mare neke horo nou selo iagho na ka famane pohe vegha teke hata teke mei funudi Ijep, eghuteuna mare susuki thotoghale tadi mala lalaoni. Jateula nou flagi eghu iagho, kate mei khaba teu iagho na, nu bligi kolho te filo glani nigho na. Nou pohe te mala fanagra naprai na, mare neke horo ka famane pohe te blu nei ngonge teke hata teke mei mare funudi ka moumolu Saepras.

Luku 16:19

Mae Jisas ne cheke eghu, “Kaisei fata, kaisei mae te dedei na pipichi pohe keli koba. Eghuteuna mana ghamu gano keli koba leghu narane na.

Jajis 8:21

Phei king igre cheke faheaheta eghu ka Gidion, “Te kaisei mae nalhaꞌu iagho na! Mei falehe ghami ghepa themu sagho!” Aonu mala tei ne aknu falehedi King Seba ghe King Salmuna. Eghuteuna mana hata koko famane glepo teke gefe ka graradi nodi ka kamel phiamare re.

Jajis 8:25

Aonu soldia di Israel te gnafa igre mare kelitadi fara ne cheke eghu, “Keliu kolho. Ghehati na tusu ari dedenge igre ka iagho.” Aonu mare pakra soru pari kaisei pohe ka glose na ne lisei soru dedenge igre.

Jajis 8:27

Gidion ne horo kaisei glepo blahi te kiloi Efod ka gol ne lilisei ka nogna suga na namono Ofra. Theome raugha naiknodi Israel igre ne tei kokoni Lord ne tarai ka glepo blahi igne, jateula gaꞌase te tei kokoni khetogna te au balugna keha nalhaꞌui ra neu. Eghuteuna igne jateula kaisei phighoro eghu ka Gidion nei tharaknagna.

Proveb 31:22

Naꞌa horo famane pohe mala lalaoni ka sape, eghuteuna nogna pohe re famane pohe rija.

Profet Isaia 3:18

Ka narane igne, Lord ginauna atha koko nodi famane glalaoni gaꞌasedi Jerusalem. Eghuteuna mana ginauna atha koko glalaoni ka phaꞌu, ka khuli, ka nehu, ka grara, ka khame, ka geghesu nei ka ghahe teu te faghajadi fara reꞌe igre. Eghuteuna mana ginauna jaola hata koko famane pohe mala piha phaꞌu nei pohe mala piha tafru tathadi nei foflodi, nei nhugha, nei gloi, nei kastom meresin, nei botol oel ikoi te siri kelidi fara igre.