Jajis 8:25 - Buka Blahi Ka Cheke Holo

²⁵ Aonu soldia di Israel te gnafa igre mare kelitadi fara ne cheke eghu, “Keliu kolho. Ghehati na tusu ari dedenge igre ka iagho.” Aonu mare pakra soru pari kaisei pohe ka glose na ne lisei soru dedenge igre.

Jajis 8:25 Referans Kwoze

Jenesis 35:4

Aonu mare ne hata ne mei nodi mumujure nei dedenge eghu teke hata ka keha kantri re ne tusu lao ka mae Jekop. Mana jifla ka namono na ne tei ne titifuni glepo igre ka pesigna gaju biꞌo na rhegna namono Sekem.

Jajis 8:24

Eghuteuna mana ne cheke eghu, “Nu iara magnahaghei te toreni kaisei glepo ka ghotilo. Tusu mei dedenge teke hata ghotilo ka noda naoka tahati ra.” Nodi kastom naiknodi Midian te au baludi vikegna Ismael igre jaola fahaghe dedenge gol.

Jajis 8:26

Tahudi dedenge gol te toredi Gidion ka mare igre, namo thokeni varadaki kilo. Eghuteuna mare jaola tusu lao keha glepo teke hata ka soldia di Midian. Igre chen gol, nei khome, nei nodi famane pohe nodi king, nei famane glepo te mala fagefe lao mare ka graradi nodi kamel re.