Jajis 8:21 - Buka Blahi Ka Cheke Holo

²¹ Phei king igre cheke faheaheta eghu ka Gidion, “Te kaisei mae nalhaꞌu iagho na! Mei falehe ghami ghepa themu sagho!” Aonu mala tei ne aknu falehedi King Seba ghe King Salmuna. Eghuteuna mana hata koko famane glepo teke gefe ka graradi nodi ka kamel phiamare re.

Jajis 8:21 Referans Kwoze

Nodi Khoje Hatimare Mae Jiu 83:11

Ro'edi sagho mae iheire te baubatu ka mae naoka igre mala jateula teke eni iagho ka phei mae funeidi Oreb ghe Seheb ra eghu. Tapla faparidi sagho hatimare mae king te gnafa are mala jateula teke eni iagho ka phia mae king ra eghu, mae Seba ghe mae Salmuna.

Profet Isaia 3:18

Ka narane igne, Lord ginauna atha koko nodi famane glalaoni gaꞌasedi Jerusalem. Eghuteuna mana ginauna atha koko glalaoni ka phaꞌu, ka khuli, ka nehu, ka grara, ka khame, ka geghesu nei ka ghahe teu te faghajadi fara reꞌe igre. Eghuteuna mana ginauna jaola hata koko famane pohe mala piha phaꞌu nei pohe mala piha tafru tathadi nei foflodi, nei nhugha, nei gloi, nei kastom meresin, nei botol oel ikoi te siri kelidi fara igre.

Jajis 8:26

Tahudi dedenge gol te toredi Gidion ka mare igre, namo thokeni varadaki kilo. Eghuteuna mare jaola tusu lao keha glepo teke hata ka soldia di Midian. Igre chen gol, nei khome, nei nodi famane pohe nodi king, nei famane glepo te mala fagefe lao mare ka graradi nodi kamel re.

Thakle 9:6

Aonu ke lamnadi glima nhigra igre, naiknore ginauna fariuriu filoni kaisei nabrou te mala lehe nodi na, nu mare ginauna theome tangomana te filo deni na eghu. Tutuani, mare ginauna magnahaghei fara te lehe, nu mare ginauna theome tangomana kolho te lehe na.

Nodi Khoje Hatimare Mae Jiu 83:1

God, thosei au kmu jare jateula tuana eghu!

Ululahu Samuel 31:5

Kate filoni te lehehi mae Sol igne, mae majaghani igne jaola ne korho fajifla nogna naflahi mala magra thegna na ne uka soru ke kligna gna ne lehe balugna mae Sol.

Ululahu Samuel 31:3

Magra igne raꞌe ne biꞌo fara ka vido te au teu mae Sol igne. Hatimare mae naoka gre ne fadi jatani mana.

Jajis 9:54

Mana ghosei ne cheke ka nogna soldia te mala pala nogna glepo mala magra mana re, ne cheke eghu ka mana, “Hata nou naflahi mala magra na mala aknu falehe ghau iara! Glahu cheke eghu mare, ‘Kaisei gaꞌase kolho teke faleheni mae funei igne.’ ” Aonu soldia majaghani igne hata naflahi mala magra na ne aknu faleheni mana.

Jajis 8:20

Gidion figri ka Jeta mae thugna teke kulu karha na ne cheke eghu, “Jeta, aknu falehe phei mae igre!” Nu mae sitei igne mhaghu nogna fara te korho fajifla nogna naflahi mala magra na, naugna mae majaghani fara.

Jajis 8:22

Ke leghugna teke magra baludi maedi Midian igne, maedi Israel igre ne cheke eghu ka Gidion, “Iagho mala funei fruni ghami ghehati, naugna iagho neke fakarhi ghami ghehati ka vikedi Midian ra. Eghuteuna ke leghumu iagho na, mae ka vikemu iagho ngala mala teke tughu nigho iagho na.”

Josua 10:26

Aonu mana ne aknu falehe glima mae king igre ne fagefe haghe thinidire kligna. Thinidi glima mae king igre gefe neu jare ne ghilei figri naprai na.

Jajis 15:12

Nu mare ne cheke eghu ka mana, “Ghehati mei mala haru nigho iagho mala hata nigho iagho tei ka mare.” Aonu mae Samson ne cheke eghu ka mare, “Keli, nu ghotilo kulu eni kaisei nhaꞌa cheke ka iara, te mala thosei falehe ghau iara na.”

Nodi Khoje Hatimare Mae Jiu 83:12

Eigna mae igre neke cheke eghu, “Tahati ginauna atha nogna glose God igne mala ke khotogna theda.”