Jajis 20:47 - Buka Blahi Ka Cheke Holo

⁴⁷ Nu namno gobi soldia ka armigna Benjamin kolho rikha te tei ka namono nagou na te tei poru ka thina biꞌo Rimon. Mare ne au fati nhigra ka vido igne.

Jajis 20:47 Referans Kwoze

Profet Habaku 3:2

Lord God, iara nomho thoutonu eidi thua nafnotu fateote'o teke edi iagho tifara. Eghume, iara thofno ghatho tahu nigho. Iara tore nigho mala eni iagho unha te edi gognaro gre nei unha teke edi iagho tifara. Neuba iagho ne diꞌatamu ka ghehati, iara tore nigho mala kokhoni ghami ghehati.

Lamentations 3:32

Neuba mana ne para ghita, nu mana ginauna tangomana te kokhoni ghita nei keli ranghi ghita teuna, naugna mana ghatho tahu ghita fabrahu.

Profet Jeremaea 14:7

Aonu naiknore na cheke eghu, “Lord, tutuani fara ghehati la figri tagru nighohi la edi kmana nakhibo ka tathamu iagho na. Nu kokhoni ghami nei togho ghami eghu mala fafnaknoni naiknore nanghamu iagho na. Tutuani kmana fata ghehati lisa koko nighohi, nei ei puhi diꞌa ranghi nigho.

Profet Isaia 1:9

Jame Lord mae ihei te au nolaghi fateote'o igne theome fakarhidi keha naikno ka tahati meuna, tahati ginauna jame kafe luvu fahui jateula naiknodi phei namono biꞌo Sodom ghe Gomora tifa ra eghu.

Jajis 21:13

Ka narane tuana, mae Israel faidu ne fatei keha mae ka maedi Benjamin te poru teu ka thina biꞌo Rimon, cheke ranghidi mare mae Israel igre magnahaghei pharikeli baludi mare.

Jajis 20:46

Khaputudi armigna Benjamin te lehe ka narane tuana varadaki glima thogha soldia mae iheire te lase magra fara nei mae iheire te au naflahi mala magra.

Jajis 20:48

Eghuteuna armigna Israel igne figri neke pulo mala aknu falehe naikno te gnafa vikegna Benjamin, glepo tautagu te gnafa nei gobigna lepo te filodi mare. Eghuteuna mare jaola gnubra nodi namono te gnafa vikegna Benjamin.

Profet Sekaraea 14:10

Eghuteuna ka vido te gnafa ka glose igne, funu ke raru Geba tei posa ke mata Rimon, ginauna nake sare. Nu Jerusalem ginauna au thegna ka nogna vido kligna ka thogele. Gringni gna na ginauna funu ka Grengatha gna Benjamin tei ka Grengatha Tifa na tei posa fei Grengatha Sulukhu. Eghuteuna funu ka nogna suga mala toetoe mae Hananel, tei thokeni nogna vido mala ei waen malagna king.