Jajis 20:22 - Buka Blahi Ka Cheke Holo

^22-24 Armigna Israel igne diꞌanagnafadi fara neke figri ka vido blahi na, eghuteuna mare tei ne tanhi ka Lord ne ghilei plulu naprai na. Mare ne cheke eghu, “Ba, ghehati ginauna nake figri ke magridi kherami ghehati ra, ba theo?” Eghuteuna Lord ne cheke eghu ka mare, “Uve, ghotilo ke pulo.” Cheke igne neke farhetani gaoghathodi mare na. Ka keha narane na, mare neke puloi Gibea ne tei kegra ka vido aheva teke kegra mare tagna teke magra ia.

Jajis 20:22 Referans Kwoze

Nodi Khoje Hatimare Mae Jiu 64:5

Mare famamhaku ka gaoghathodire puhi te diꞌa na. Mare ne ghatho fakelini aheva nate liliseigna phighoro na ne cheke eghu, “Theome tangomana kaisei naikno nate filodire unha te lilisei tahati igre.”

Fapea Samuel 11:25

Aonu mae Devet nomhini igne ne cheke eghu ka mana, “Iagho ke figri ka mae Joab mala tusu lao ka mana cheke igne mala tako hagheni nagnafagna mana na, ‘Joab, iagho thosei diꞌanagnafa eigna igne, naugna tahati theome laseni ihei nate lehe ka magra na. Iagho magra hetau ghilei hata namono biꞌo tuana.’ ”

Ululahu Samuel 30:6

Kate dofidi khetodire ka namono na, nogna soldia mae Devet igre ne diꞌa tadi fara ne rodi fada thina ni mana. Nu Lord, nogna God mae Devet igne ne farerheta gaoghathogna mana na.

Jajis 20:17

Nu keha vikegna Israel igne au fati gobi thogha soldia te lase magra, eghuteuna mare te gnafa na kafe au naflahi mala magra.

Jajis 20:21

Nu nogna armi Benjamin igne ne jifla mei ka namono igne ne magra ka armigna Israel. Ka narane tuana, mare ne aknu falehe varadaki phei thogha soldia ka armigna Israel.