Jajis 18:23 - Buka Blahi Ka Cheke Holo

²³ mare ne eha tei ka vikegna mae Dan igre. Eghuteuna vikegna mae Dan igre ne kafe figri ne cheke eghu, “Unha? Naugna unha site mei ngolhi ghami ghehati ghotilo gnea?”

Jajis 18:23 Referans Kwoze

Profet Isaia 22:1

Nonomho igne mei ka iara eigna Jerusalem nei eigna Glogu Mifi igne. Mana ne cheke eghu: Unha najafra teke eni ghotilo na? Naugna unha si ghotilo te haghe ke tagru suga te glealeꞌa gnea?

Nodi Khoje Hatimare Mae Jiu 114:5

Thongna Ukru, naugna unha si teke fnota pea iagho ia? Khoꞌu biꞌo Jordan, naugna unha si teke theome loloro fakeli iagho ia?

Fapea Kings 6:28

Unha nou puhi iagho na?” Aonu naꞌa ne cheke eghu, “Tifei na, kaisei gaꞌase neke cheke eghu ka iara, ‘Gognarona, tapa ghamu thumu nalhaꞌu iagho igne, eghuteuna nathuꞌu na tapa ginauna ghamu thugu nalhaꞌu iara igne.’

Fapea Samuel 14:5

King ne cheke eghu, “Unha puhi sia?” Aonu naikno biꞌo igne ne cheke eghu ka mana, “Uve, khetogu iara na la lehehi, eghuteuna iara gognarona kaisei naikno glehe kokoi kolho.

Ululahu Samuel 11:5

Ka narane igne, mae Sol neke pulo mei funugna ka nogna nagare na baludi nogna buluka re, kate nomhidi te tanhi naiknore, mana ne ghusna eghu, “Naugna unha site tanhi ghotilo gnea?” Aonu mare ne toutonu ka mana eigna nonomho teke mei toutonu maedi Jabes igre.

Jenesis 21:17

God ne nomhini te tanhi mae sitei na, eghuteuna nogna engel God na au neu kligna ne cheke eghu ka Hega, “Unha site diꞌanagnafani iagho gnea, Hega? Thosei mhaghu. God na la nomhinihi te tanhi teu jare mae sitei na.

Jajis 18:22

Kate tei khabahi mare ka sugagna Maeka na, Maeka laseni te blau mare glepo blahi igre, aonu mana kilodi mae iheire te au rhegna manare mala tei leghudi vikegna Dan. Eghuteuna kate mei te namo na,

Jajis 18:24

Aonu Maeka ne cheke eghu, “Ghotilo laseni unha te jafra na! Ghotilo hata nogu pris iara na baludi mumuju teke horo iara ra. Iara theo kaisei glepo te salaꞌu na!”