Jajis 1:21 - Buka Blahi Ka Cheke Holo

²¹ Nu vikegna Benjamin igne neke theome ngolhi fajifladi vikegna Jebus teke au Jerusalem igre, naugna igne mare snakreni vikegna Jebus igne mala au fabrahu kolho baludi mare ka namono igne.

Jajis 1:21 Referans Kwoze

Josua 15:63

Nu vikegna mae Juda igre theome tangomana te ngolho fajifladi vikegna mae Jebus teke au Jerusalem funu tifa igre. Naikno igre au ngala baludi vikegna mae Juda ghilei mei posa gognarogne.

Jajis 1:8

Maedi Juda igre tei ne magra Jerusalem. Mare uluni namono igne ne aknu falehe ne gnafa naikno te au jare re, eghuteuna mare ne nhako namono igne.

Jajis 1:22

Phei vikegna Josef, Efrem ghe Manase igre tei ne magra ka namono Betel, nanghagna tifa na “Lus”. Ka magra igne, Lord ne toghodi mare. Nu ame tei nga mare ka magra teuna, mare neke kulu kuru tei keha mae mala filo glani namono igne.

Ululahu Kronikols 11:4

King Devet ne tei balugna armigna Israel na ne magra Jerusalem, eghuteuna vikegna mae Jebus gne teke au ka namono igne.

Nodi Khoje Hatimare Mae Jiu 106:34

God neke cheke ka nogna naiknore mala falehedi naikno te bongihehere. Nu naiknore neke theome leghudi kolho neke tolaghi ngala ka naikno te bongihehere, nei jaola leghudi nodi kastom mare re.

Jajis 1:27

Ka narane tuare, vikegna Manase igre theome kafe khi fajifladi gnafa naiknodi Kenan igre ka nodi vido glose na. Naiknodi Kenan igre au kolho ka namono Bet-San, nei Tanak, nei Doa, nei Ibleam, nei Megido, nei ka namono ikodi te au faligohodi namono tuare.

Ululahu Kronikols 8:28

Ka susureigna vike igne te laseni mae igre te mae mala baubatu ka vikegna mae Benjamin te au Jerusalem.