Hibru 9:10 - Buka Blahi Ka Cheke Holo

¹⁰ Naugna glepo te gnafa igre puhi eidi gano nei khoꞌu, ba nafnata puhi mala titihi igre maladi thini kolho. Eghuteuna vetula igre mala leghudi tahati ghilei thoke mei u narane God nate tughu ka nhaꞌa cheke te majaghani.

Hibru 9:10 Referans Kwoze

Kolose 2:16

Eghume, thosei snakreni kaisei naikno mala lilisei kaisei vetula ranghi ghami eidi gano nei khoꞌu ba narane Sabat ba gaghamu eigna glaba majaghani ba keha narane tuthuana teu are.

Efesus 2:15

Mana neke hata koko nodi vetula hatimare mae Jiu gre baludi keha nafnata grereghidi vetulare mala theome fotadi naikno te theome leghudire ka naikno te leghudire. Ka puhi igne, mana neke hata fodu phei nafnata naikno igre mala kaisei nafnata naikno majaghani balugna thegna nei mala au kau pharikeli.

Hibru 7:16

God neke vahini mana mala mae pris, theome leghuni kaisei vetula eigna vike, nu mana mala mae pris ka nogna nolaghi nei nakarhagna te theo ka huigna.

Profet Esikiel 4:14

Nu iara cheke eghu, “Lord! Iara theome eni kolho kaisei glepo te mala thona iara ka tathamu iagho na. Funu ka narane kani suagu te ghilei mei posa ka narane gognarogne, iara theome ghamu kaisei nafnahi buluka teke lehe thegna, ba keha nafnata glepo tautagu teke kathu falehe keha glepo te tautagu na. Iara theome ghamuni kaisei gano te theome gae ka tathamu iagho na.”

Diutronomi 23:11

Fei grafi ke apu nga mana. Eghuteuna kate plulu naprai na, mana tangomana teke pulo mei ka vido te au ghotilo na.

Levitikas 16:24

Eghuteuna mana mala apu ka vido blahi tuana, eghuteuna ke leghu mana mala fahaghe keha pohe mala eni nogna gloku na. Mana fahaghe nogna pohe ne jifla kosi mala fafara sipu nalhaꞌugna te thofno krono fara na mala hata fadelei nakhibo gna thegnare, eghuteuna mana fafara keha sipu nalhaꞌu gna na mala thofno krono fara mala hata fadelei nakhibodi naiknore.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Hibru 9:1

Kau nhaꞌa cheke ulu lahu na au kaisei vetula maladi iheire te pogho soru ka God nei kaisei vetula eigna vido te mala pogho soru ka God teke horo naikno ka nauthoglu igne.

Hibru 6:5

Eghuteuna mare la filo glanihi chekegna God te keli fara na, nei mare lasenihi nogna nolaghi te mala funei frunidi gobigna lepo ka nogna nauthoglu majaghani God.

Hibru 2:5

Kate vahini God mae ihei nate funei frunini nauthoglu igne nate mei ginau, mana neke theome chekeni kaisei engel.

Diutronomi 21:6

Aonu mae lida te gnafa ka namono tuana mare ginauna titihi khamedi re ke kligna gna buluka tela aknu falehehi igne.

Levitikas 16:4

Mana mala kulu apu, eghuteuna mana mala fahaghe nogna pohe blahi teke horo ka famane pohe. Tuana nogna pohe brahu mana na, nei nogna trasis kmoꞌei na, nei nogna nhugha pohe na, nei nogna khepi na.

Eksodas 40:12

“Iagho ginauna atha mei Eron baludi thugna ka grengatha gna Suga Tapuale te Blahi mala titihi di ka khoꞌu, mala klino mare ka tathagu iara na.

Hibru 13:9

Eghume thosei ke riu ka keha nafnata puhi majaghani te jafra. Eigna ghotilo ginauna na snivi ka nabrou te doglo. Nu snakreni God mala farheta ghami ka nogna khokofakasai na. Nu nafnata vetula eigna gano na, theome tangomana te farheta ghita, nei theome eni kaisei glepo te kelila ranghidi iheire te leghudire.

Hibru 6:2

nei eidi puhi apublahi nei eigna taofi nei eigna kegra fapulo ka karha, nei eigna u fate ka narane leghu lahu.

Efesus 1:10

Nogna gaoghatho God igne ginauna thokei mei ka thofno narane te mala salofodu ka Kraes gobigna lepo te au kligna ba pari. Eghuteuna Kraes ginauna mala pha'udi gobigna lepore.

Galesia 4:9

Nu gognaro na ghotilo la lase fakelinihi God. Tulao, gognaro na God lase fakeli ghamihi ghotilo. Eghume, eigna unha si ghotilo teke figri fapulo ka gobi nafnata glepo gna nauthoglu igne te theome heta nei thofno theo nafudi teu gnea? Tifa na, ghotilo neke fatutuanidi glepo tuare. Ba, ghotilo magnahaghei teke sneka fapulo ka glepo tuare sia?

Nonomho Te Keli Teke Risoi Mae Mak 7:4

Eghuteuna kaisei glepo teke hata ka maket na mare na kulu titihi ame tangomana nga te ghamu na eghu. Mare leghudi kmana nafnata vetula teke edi haghe mae ku'edi tifa re. Jateula vetuladi mala titihi kapu, sospen, ba ketele.

Levitikas 22:6

Jame pris na theome klino, mana na theome klino ghilei rafi, eghuteuna mana blahi te mala ghamu gano blahi re ka narane tuana. Kate plulu naprai na, mana ginauna mala apu mala ke klino, eghuteuna ke leghu, mana tangomana teke ghamu gano blahi na naugna ghegna vido gano mana.

Eksodas 29:4

Iagho atha Eron baludi thugna ra mala mei kegra ka grengatha gna Suga Tapuale te Blahi na mala thafoni God, eghuteuna iagho faꞌapudi mala gae ka tathagu iara na.

Naba 6:3

uve, ghotilo thosei koꞌu waen ba koꞌu keha khoꞌu te mala dranga are. Eghuteuna thosei koꞌu keha khoꞌu te edi mare ka grep, nei jaola thosei ghamu sisi grep te muita ba te mojadi are.

Hibru 7:12

Eghuteuna, jame teke mei kaisei nafnata pris na, vetula na jaola ke tughu.

Levitikas 13:58

Nu jame mana titihi la gnafahi glepo igre, eghuteuna thona teke au ka pohe na igre la theohi teuna, mana mala ke titihi fapuloi pohe igre, mala klino ka tathagu iara na.