Hibru 7:24 - Buka Blahi Ka Cheke Holo

²⁴ Nu mae Jisas na karha fabrahu. Eghume, mana theome gnafa te eni nogna gloku mae pris na.

Hibru 7:24 Referans Kwoze

Hibru 7:28

Tutuani fara, neuba mare neke vahidi mae igre mala mae pris biꞌo, mare theome doglo fabrahu. Eghuteuna God neke vahidi mae igre mala mae pris biꞌo ka nolaghi nogna vetula mae Moses. Nu kate eni God u nhaꞌa cheke majaghani ke leghugna nogna vetula mae Moses igne, God neke vahini mae Thugna mala mae pris biꞌo. Eghuteuna mae Thugna na mala klino fabrahu ke ulugna God tifa tifa.

Jone 12:34

Naiknore ne cheke eghu ka mana, “Tore! Na lehe sagho ia ghema? Ghehati te laseni ka vetula na mae Kraes na mala theome lehe sia, nu mana mala karha fabrahu! Naugna unha site chekeni iagho mae teke mei funugna ka God na na lehe teu gnea? Mae ihei si ‘Mae teke mei funugna ka God’ gnea?”

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Hibru 13:8

Eigna mare fatutuani ni mae Jisas Kraes gne theome tughu gnora, nei gognaro nei tifa tifa.

Letas Teke Riso Tei Mae Pol Ka Khiloau Rom 6:9

Tahati laseni igne. Tutuani fara, Kraes kela karha fapulohi. Eghume tahati thofno laseni eigna mana theome tangomana mala teke fapea fata lehei na. Naugna glehe na theo kaisei nolaghi te mala funei frunini mana na.

Ululahu Samuel 2:35

Iara ginauna na vavahi kaisei mae pris, mae ihei nate ghatho tahu ghau iara na, eghuteuna mana ginauna na tangomana nate edi unha te magnahaghedi iara re. Iara ginauna fablahini mana mala au kmana thugna. Eghuteuna mae ka tharaknagna mana igre ginauna mala pris fabrahu, eghuteuna mala toghoni mae ihei nate vahini iara te mala mae king na.

Letas Teke Riso Tei Mae Pol Ka Khiloau Rom 9:5

Mare neke jifla mei ka vikedi goro mae biꞌo Jiu te ulu tifa ra, eghuteuna Kraes na jaola neke karha mei naikno ka vikedi mare. Eghuteuna mana ngala mae funei biꞌo ke klignadi naikno te gnafare, mae ihei tahati te mala kilo fnaknoni tifa tifa. Amen.