Hibru 10:35 - Buka Blahi Ka Cheke Holo

³⁵ Eghume, thosei ghatho peapea naugna God ginauna thofno tabadi iheire te loku famaku ka nodi fatutuani na te ghilei thoke ka narane leghu lahu.

Hibru 10:35 Referans Kwoze

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Luku 14:14

Te eghu iagho na, iagho tangomana te gleale'a na. Naugna neubane theome ke tughuni mare gaghamu teke eni iagho tuana, God ginauna nake tughu fapuloni ka iagho, kau narane nate kegra fapulodi naikno te kelire.”

Hibru 11:26

Mana magnahaghei te au papara malagna Mesia mae ihei God nate kuru mei kau nauthoglu igne. Mana ghathoni naꞌau papara igne ke keli gnai te snori ka dedei fateo gna Ijep. Naugna mana filo faꞌulu kau taba nate tusu ranghini God nathuꞌu nauriha na.

Matiu 5:12

Neuba, ghotilo gleꞌa nei keli tami eghu, naugna ginauna Kmada na taba fabiꞌo ghami ghotilo kligna. Naiknore ginauna para ghami ghotilo jateula teke edi hatimare mae Jiu ka nogna mae profet God tifa ra eghu.”

Hibru 4:14

Eghume, tahati mala loku famaku ka noda fatutuani na. Naugna tahati au kaisei noda mae pris biꞌo te togho ghita. Mae pris biꞌo igne mae Jisas Kraes Thugna God tela haghehi kligna.

Hibru 3:14

Eni igne naugna tahati hui mala kaisei balugna mae Kraes, eghu te loku famaku fabrahu tahati u fatutuani teke kulu au ka tahati igne.

Matiu 10:32

“Ihei te kegra ke uludi naiknore te chekeni ne fatutuani ghau iara teuna, iara ginauna cheke eigna mana ka mae Mama kligna, mana te nogu mae gloku iara na.

Matiu 10:42

Tutuani fara, te chekeni iara ka ghotilo na. Ihei te tufa kaisei glepo ikoi te jateula kaisei kapu khoꞌu teu ka kaisei nogu mae fanomho iara te theome biꞌo ka tathadi naiknore igne, God ginauna tabani mana.”

Nodi Khoje Hatimare Mae Jiu 19:11

Lord, nou farirhiu iagho gre tusu ranghi ghau iara gaoghatho te keli, eigna iara gne nou naikno gloku iagho. Iagho taba ghau iara, naugna iara ne leghudi nou cheke iagho na.

Hibru 2:2

Naugna nogna farirhiu God teke cheke ka mae engel gre tutuani fara. Eghuteuna mae ihei teke theome leghuni ba huhughuni nogna vetula God na, God neke thono fateni mana eigna unha teke eni mana na.

Efesus 3:12

Naugna tahati kaisei balugna Kraes nei tahati fatutuani ni mana, nagnafadare heta fara nei tahati theome mhaghu te mei ka God na.

Hibru 10:19

Uve, kheraguro, naugna ka dadaragna mae Kraes teke thofa ka glehegna mana ia, tahati au noda nolaghi te mala ruma ka chogho te blahi fara ke ulugna God igne.

Fapea Jone 1:8

Fiofilo ghami, thosei jateula mare eghu. Nu ghotilo mala hata fahui nomi taba teke kmusani themi na.