Galesia 5:3 - Buka Blahi Ka Cheke Holo

³ Eghuteuna iara gne nake chekei ngala ka ghotilo, iheire fateo te snakredi thedi te vahe are, mare mala thofno leghudi vetula fateore.

Galesia 5:3 Referans Kwoze

Galesia 3:10

Ihei te loku famaku ka nogna vetula mae Moses na mala karha nogna teuna, God ginauna fateni mana. Naugna u grioriso te blahi na cheke eghu, “Ihei te theome thofno leghudi gobigna lepo te risodihi ka buka vetula na igre, God ginauna thofno fateni mana.”

Letas Teke Riso Tei Mae Pol Ka Khiloau Rom 2:25

Jame te leghuni ghotilo unha te chekeni ka vetula na igre, nomi puhi ghotilo te tohi fagaglana te mala laseni te nogna naikno God na thofno au gaoghatho te keli tagna. Nu jame te huhughuni ghotilo u vetula na, nafnata puhi te tohi fagaglana igne theo kaisei gaoghatho te keli kolho tagna.

Diutronomi 27:26

“ ‘Puhi biꞌo ginauna thokeni ihei te theome leghudi famane farirhiu igre.’ Eghuteuna naiknore ginauna cheke eghu, ‘Amen!’ ”

Efesus 4:17

Ka nanghagna Lord, iara magnahaghei te cheke heta ka ghotilo, thosei au fabrahu jateula naikno te theome fatutuani ni God eghu. Gaoghathodire theo nafudi kolho.

Diutronomi 31:21

Aonu kate thoke mei kmana hoholo biꞌo ka mare na, eghuteuna khoje igne ginauna na jateula kaisei nogu witnes eghu iara fakakhana puhidi mare te diꞌa re, naugna mare vikegna Israel theome tangomana te ghatho ihoni khoje igne. Neuba iara ne theome hatadi mare neu ka glose teke nhaꞌa cheke iara ka mare na, nu iara la lasenihi unha nate eni mare ke leghu na.”

Diutronomi 8:19

“Iara cheke fadoglo ari ka ghotilo gognarona, jame te ghatho ihoni ghotilo Lord nomi God na, eghuteuna leghudi keha god delei, eghuteuna tarai nei tufru soru tadi teuna, Lord ginauna thofno goigoni ghami fara ghotilo.

Matiu 23:18

Nu te cheke nila ghotilo ia, ‘Mae ihei te baubahu ka olta na, mana tangomana te huhughuni baubahu tuana. Nu mae ihei te baubahu ka fafara te au ke kligna olta na, baubahu tuana te mala leghuni na.’

Ululahu Jone 4:14

Tahati filonihi mana nei toutonuni ka naikno eigna Mama te kuru meini Thugna mala fakarhidi naikno te gnafa ka glehe.

Ululahu Tesalonika 4:6

Eghume theome tangomana kaisei mae te eꞌei puhi diꞌa ranghini mae kheragna fofodu na ka puhi igne. God ginauna fatedi naikno te edi glepo igre. Ghehati kulu cheke faheta ka ghotilo eigna igne.

Mae Khuru 20:21

Iara neke orio cheke faheta ranghidi mae Jiu ba mae Griki mala lilisei mare puhidi te diꞌare mala figri ka God nei mala fatutuani ni noda Lord Jisas.

Mae Khuru 2:40

Kmana kmana glepo fara teke chekedi mae Pita ka mare re. Eghuteuna mae Pita ne cheke faheta eghu ka mare, “Thosei leghudi puhidi naikno te diꞌa gognaro gre, na eghunu fate ghami God ginauna jateula naikno te diꞌa tuare eghu.”

Luku 16:28

Iara au glima mae thabusigu jare. Mae Lasaros tangomana te kulu cheke ka mae thabusigu iara ra mala doglo mare puhidire, na eghunu mei mare ka namono te kakhabruana igne eghu.’

Matiu 23:16

“Puhi biꞌo ka ghotilo mae velepuhi nei mae Farasi teu igre! Ghotilo baubatudi naiknore, nu ghotilo mae baubatu dofu! Naugna nomi farirhiu ghotilo themi ia eghu agne, ‘Mae ihei te baubahu ka Sugablahi na, mana tangomana te huhughuni baubahu tuana. Nu mae ihei te baubahu kau sesere te au ke lamna Sugablahi na, baubahu tuana te mala leghuni na.’

Nehemaea 9:34

Kuꞌemi, nomi king, lida, nei pris teku ghehati tifa ra, mare neke theome tajini nou Vetula iagho na. Iagho neke cheke faheta ka mare mala leghudi nou chekere neku, nu mare theome magnahaghei te fanomho ka nou cheke iagho re.

Mae Khuru 15:1

Keha maedi Judia ne mei posa Antiok. Mare farirhiu ne cheke eghu ka naikno khiloau re, “Te theome leghuni ghotilo nogna vetula mae Moses eigna tohi fagaglana na, God ginauna theome fakarhi ghami ghotilo.”

Galesia 5:2

Fanomho ka iara. Jame kaisei mae cheke eghu, “Te leghuni iara u puhi te mala vahe na, iara ginauna doglo ke ulugna God.” Mae Kraes ginauna theome toghoni mae tuana.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.