Fapea Samuel 9:11 - Buka Blahi Ka Cheke Holo

¹¹ Aonu mae Siba ne cheke eghu ka mae Devet, “King, iara na edi gobigna lepo te chekedi iagho igre.” Aonu mae Mefiboset ne ima fabrahu balugna king, jateula te thofno thugna thegna ra neu kolho.

Fapea Samuel 9:11 Referans Kwoze

Fapea Samuel 19:26

Mae Mefiboset ne cheke eghu, “King, nogu funei, iagho lase ghau iara te blughu gne. Ka narane teke jifla iagho agne Jerusalem ia, iara neke cheke ka nogu mae gloku Siba mala tarabana nogu dongki na mala ari balumu iagho neku, nu mana neke chaghi ghau iara.

Fapea Samuel 19:17

Kaisei thogha mae ka vikegna mae Benjamin ne mei balugna mana. Mae Siba kaisei nogna mae gloku King Sol jaola ne mei balugna nabotho glima thugna re, nei varadaki nogna mae gloku. Mare ne kulu mei ka khoꞌu na ne posa mei nga king.

Fapea Samuel 9:10

Eghuteuna iagho baludi thumu nei nou mae gloku teura, ghotilo mala loku nagare, nei hata mei gano ka nagare tuare eghu ranghini mana. Eghume ka puhi igne vikegna mae Sol igre ginauna au ghedi gano. Nu mae Mefiboset gne ginauna mei ima balugu iara koba.” Nu mae Siba gne au nabotho thugna nalhaꞌu, nei varadaki mae gloku.

Fapea Samuel 9:12

Mae Mefiboset ne au kaisei thugna nalhaꞌu, nanghagna na Mika, eghuteuna naikno te gnafa ka vikegna mae Siba igre ne loku ranghini mae Mefiboset.

Fapea Samuel 9:13

Nu mae Mefiboset gne mana au fabrahu Jerusalem mala ima balugna king, naugna phei gahegna manare thono diꞌa fara.

Fapea Samuel 19:24

Mae Mefiboset gragna mae king Sol, mana theome titihi ghahe, theome ghoighori gremoho, nei theome titihi nogna pohere eghu funu ka narane te jifla king Devet na, neke ghilei pulo mei Jerusalem. Eghuteuna mana jaola ne soru mei mala thafoni king.

Fapea Samuel 15:15

Aonu mare ne cheke eghu ka mana, “King, ghehati tarabana te mala eni unha te chekeni iagho na.”