Biblia Todo Logo
Bib sou entènèt

- Piblisite -




Fapea Samuel 7:7 - Buka Blahi Ka Cheke Holo

7 Iara neke vavahi mae te mala baubatudi nogu naiknore, nu ka vido aheva te tei iara baludire iara neke theome cheke eghu ka mare, “Naugna unha si ghotilo te theome horo kaisei suga ka gaju sida te mala au iara gnea?” ’

Gade chapit la Kopi




Fapea Samuel 7:7
19 Referans Kwoze  

Iara neke chekedi hatimare mae lida mala fiofilodi nogu naikno iara gre, nu ka namono aheva te tei iara baludi mare na, iara neke theome ghusna eghu ka mae lida igre: Naugna unha si ghotilo te theome eni nogu suga iara ka thaba gaju sida gnea?’ ”


Tifa na, mae Sol ia neke noda king tahati ngala, iagho teke batudi mae Israel gre teke tei ka magra na. Eghuteuna Lord na neke cheke eghu ka iagho, ‘Iagho ginauna mala batudi nei reireghidi eghu nogu naikno iara Israel igre, eghuteuna iagho mala nomi king ghehati gnafa.’ ”


Mare ne eha eghu fabiꞌo, “Ghotilo maemi Israel, togho ghami ghehati! Mae igne tei tongana heva heva cheke fapari ghita tahati nei farirhiudi naiknore mala thosei leghuni nogna vetula mae Moses na, nei cheke faparini noda Sugablahi tahati igne. Eghuteuna gognaro na mana la fatothona Sugablahi gne, naugna mana hata la mei keha mae Griki la ruma ka Sugablahi gne!”


Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.


“ ‘Ghotilo naiknomi Betlehem, te au ka Provins Judia. Kaisei mae ka ghotilo mana ginauna na kaisei mae mala baubatudi naiknogna Israel jateula kaisei mae greireghi sipu te batudi nogna sipura eghu. Eghume, nomi namono ikoi ghotilo igne ginauna na kaisei namono ulu tulao ka Provins Judia.’ ”


Kate biꞌo haghe mae sua igne, mana ginauna reireghi fakelidi nogna naiknore. Mana ginauna funei frunidi ka nogna nolaghi Lord teke tusu ranghini mana, eghuteuna mana ginauna funei ka nanghagna Lord mae ihei te King. Ka narane tuana, nogna naikno mana re ginauna au fakeli, naugna naikno te gnafa ka nauthoglu igne ginauna filo glani mana te au nolaghi biꞌo.


Iara ginauna vahini kaisei nogu mae gloku ka vikegna Devet mala nodi king mare. Eghuteuna mana ginauna reireghidi nogna naiknore jateula mae ihei te reireghidi nogna sipura eghu.


Iara ginauna reireghidi nogu sipu re, eghuteuna iara ginauna liseidi ka vido aheva reꞌe tangomana te thuru soru ka vido te muana. Igne nogna cheke Lord God.


“Maegna ka nauthoglu. Iagho tei chekeni cheke igne ka mae iheire te baubatu ka naiknodi Israel. ‘Iagho cheke ka mare te iara Lord God te cheke eghu igne: Kokhoni ghami fara ghotilo mae iheire te baubatu ka naiknodi Israel ra! Nomi gloku ghotilo na mala jateula mae ihei te reireghi sipura eghu mala reireghidi nogu naikno iara igre. Nu ghotilo theome reireghi fakelidi kolho nogu naikno iara igre. Naugna ghotilo reireghi ghami themi kolho!


Iara ginauna vavahi keha mae mala baubatu mala reireghi fakelidi naiknore. Eghuteuna naikno igre ginauna na theome mhaghu ba glaꞌe soru gaoghathodire. Uve, ginauna na theo kaisei naikno nate snivi na.” Igne chekegna Lord.


Iara ginauna vavahi keha mae te keli ka iheire te leghuni puhigu iara na mala batu ghami ghotilo.


Mana reireghi fakelidi nogna naiknore, jateula mae ihei te reireghi fakelidi nogna sipura eghu. Uve, mana jateula mae ihei te pala sua te ikodire ka fafragna ra eghu, eghuteuna mana batudi idodi sipu te au thudire mala blaknoi tei.


Ghotilo edi glepo igre naugna Lord nomi God ghotilo igne, mana au balumi ghotilo, eghuteuna mana ginauna reireghi ghami ghotilo, eghuteuna mana ginauna togho ghami ghotilo mala tangomana ghotilo te uludi nomi naokare. Eghume vido te au ghotilo igne mala kaisei vido blahi, eghuteuna Lord theome magnahagheni te filoni kaisei glepo te famamaja ikno ka ghotilo, ba glahu figri tagru ghami mana.”


Iara kaisei mae mala baubatu ka khiloau. Iara neke thofno filo tathagu mae Kraes na neke au papara fara. Eghuteuna iara ginauna hata nafnakno biꞌo baludi kmana naikno ka narane nate thakle mei mae Kraes ka tahati na. Eghume, iara magnahaghei te cheke faheta ka ghotilo mae mala baubatu ra mala


Tifa na Sol neke king fruni ghita tahati, nu neuba iagho nake batu ghami ghehati mala tei ka magra. Eghuteuna Lord na cheke ka iagho mala reireghi ghami ghehati nogna naikno mana re, eghuteuna iagho ginauna nomi king ghehati.”


Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?


Swiv nou:

Piblisite


Piblisite