Fapea Samuel 3:19 - Buka Blahi Ka Cheke Holo

¹⁹ Mae Abna jaola ne tei edi nafnata cheke igre ka vikegna mae Benjamin. Ke leghugna igne, mana ne tei posa Hebron mala toutonu ka mae Devet glepo te magnahaghedi vikegna mae Benjamin nei hatimare mae Israel.

Fapea Samuel 3:19 Referans Kwoze

Ululahu Kronikols 12:29

Ka vikegna mae Benjamin, mare au thilo thogha soldia, tifa na mare neke ghatho tahuni King Sol.

Nodi Khoje Hatimare Mae Jiu 68:27

Ke leghudi hatimare mae nifu, vikegna mae Benjamin te theome biꞌo na ne tapla ulu, ke leghugna igne hatimare mae lida ka vikegna mae Juda balugna nodi mavitu na, eghuteuna leghu lahu na, hatimare mae lida ka vikegna mae Sebulun nei hatimare mae lida ka vikegna mae Naftali.

Fapea Samuel 3:20

Mae Abna ne hata balugna varadaki mae, mare tei Hebron ne filoni mae Devet. Eghuteuna mae Devet ne eni kaisei gaghamu biꞌo maladi mare.

Ululahu Kronikols 12:30

Ka vikegna mae Efrem, mare au varadaki thogha, nhana gobi soldia te nheta tulao, eghuteuna naikno te gnafa ka vikedi mare na ghatho tahudi mae igre.