Fapea Samuel 22:1 - Buka Blahi Ka Cheke Holo

¹ Mae Devet ne koje kaisei khoje mala cheke fakelini Lord ke leghugna Lord te fakarhini mana ka nogna naoka re, tulao ka mae king Sol. Igre chekedi nogna khoje mae Devet re:

Fapea Samuel 22:1 Referans Kwoze

Jajis 5:1

Ka narane tuana Debora ghe Barak, repa ne eni kaisei khoje. Khoje igne cheke eghu,

Eksodas 15:1

Kate filoni hatimare mae Israel gre nogna nolaghi biꞌo Lord te falehedi mae Ijep gre ka thongna na, mae Moses nei naiknodi Israel gre eghu ne koje kaisei khoje ne cheke eghu: “Iara na koje ranghini Lord, naugna Mana ne thofno tapla faparidi fara nogna naokare. Mana neke huju soru hose nei mae teke saghe ka hose igre teure lamna thongna.

Fapea Timoti 4:18

Lord Jisas Kraes ginauna hata fajifla ghau iara ka glepo te diꞌa fateote'o, eghuteuna hata tei ghau ka namono kligna aheva mana te King. Tahati kilo fnaknoni mana tifa tifa! Amen.

Nodi Khoje Hatimare Mae Jiu 34:19

Kmana glepo te diꞌa thoke mei ka nogna naikno Lord re, nu Lord na toghodi mala theome tangomana glepo te diꞌa igre te tapla sorudire.

Nodi Khoje Hatimare Mae Jiu 50:14

“Iara God, ka maloa kligna, eghuteuna te keli na ghotilo cheke fakeli ghau iara fabrahu. Igne thofno nomi fafara ghotilo na. Eghume te keli na ghotilo edi glepo teke nhaꞌa chekedihi ghotilo ka iara ra.

Fapea Samuel 22:49

Iagho neke tusu mei nafnakno biꞌo ka iara ka tathadi nogu naoka gre. Eghuteuna iagho fakarhi ghau iara ka mae te diꞌa puhidi te magnahaghei goigoni ghau iara igre.

Ululahu Samuel 27:1

Nu mae Devet ne cheke eghu ka gaoghatho gna thegna na, “Keha narane mae king Sol ginauna falehe ghau iara. Te keli na iara na rikha tei au Filistia. Jame te tei au iara jare na, mana ginauna na theome hiro ghau iara agne Israel. Mana ginauna theome tangomana te goigoni ghau iara na.”

Ululahu Samuel 26:24

Ginei ia iara neke ghatho tahuni nakarhamu iagho na. Eigna iara magnahagheni Lord te ghatho tahuni nakarhagu iara na mala atha fajifla ghau ka puhi te thoke ghau iara igne.”

Ululahu Samuel 25:29

Neuba ihei ne ngolhi nigho mala falehe nigho neu, Lord ginauna reireghi nigho jateula mae te reireghidi nogna glepo ra eghu. Mana ginauna koko soru nou naoka iaghore pari, jateula mae te koko soru thina te plulu ka khoꞌura eghu.

Ululahu Samuel 24:15

Toreni Lord mala fate ghita, nei cheke ranghi ghita, ihei ka tapa te jafra na. Toreni Lord mala fifilo ka puhi igne mala togho ghau nei fasnagla ghau eghu iara ka glepo te eni iagho ka iara igne.”

Ululahu Samuel 23:14

Mae Devet tei ne au Sif ka namono nagou na, mana tei ne poru ka thogele holo ka kaisei vido te keli. Leuleghu narane na mae king Sol ne hironi fabrahu mana, neuba God na theome snakreni mae king te athini mana na.

Fapea Korin 1:10

God neke fakarha ghami ghehati kate namo lehe na, eghuteuna mana jaola ginauna nake fakarha ghami ghehati ke leghu na. Ghehati fatutuani ni fara igne eigna mana na fakarha ghami ghehati fabrahu,

Diutronomi 31:30

Aonu mae Moses ne chekedi chekegna khoje igne ka naiknodi Israel teke mei fanomho re.

Ululahu Kronikols 16:7

Igne narane ululahu te nhaꞌa lao gloku mae Devet ka vikegna mae Asaf te mala koje nei kilo fnaknoni Lord. Mare ne koje eghu:

Fapea Samuel 12:7

Aonu, mae Natan ne cheke eghu ka mae Devet, “Iagho ngala mae te dedei igne! Eghume, Lord noda God tahati maeda Israel igne ne cheke eghu ka iagho, ‘Iara neke vahi nigho iagho mala king gna Israel, eghuteuna iara neke theome snakreni mae Sol mala falehe nigho iagho.