Fapea Samuel 18:7 - Buka Blahi Ka Cheke Holo

⁷ Nogna Armi mae Devet igne ne uluni armi gna Israel. Eghuteuna varadaki thogha soldia ka armi gna Israel ne lehe ka narane igne.

Fapea Samuel 18:7 Referans Kwoze

Proveb 24:21

Thuguo, ghatho tahudi Lord ghe lida. Iagho au fadelei ka naikno te theome keli ranghidi phiamare are.

Proveb 11:21

Tutuani fara, Lord ginauna parani naikno te diꞌa na. Nu hata fajiflani ihei te doglo na.

Fapea Samuel 15:6

Mana eni igne ka naikno te gnafa Israel te magnahaghei mei filoni king mala fadoglini tagna nogna puhi na teuna. Ka puhi igne mae Absalom figri nagnafadi kmana di Israel mala leghuni thegna.

Fapea Samuel 2:31

Nu mare ne aknu falehe thilo gobi namno salei soldia ka vikegna mae Benjamin teke tei balugna mae Abna igre.

Fapea Samuel 2:26

Aonu kate filodi phia mare na, mae Abna ne eha eghu tei ka mae Joab, “Ba, na magrau si tahati gnea? Filo sagho, nafnata puhi igne mala diꞌanagnafa kolho leghu lahu na. Tahati thabusigna kolho. Chekedi sagho nou mae soldiare mala thosei ngolhi ghami ghehati!”

Fapea Samuel 2:17

Ka narane igne mare ne eni kaisei magra biꞌo. Eghuteuna nogna soldia mae Devet igre ne uluni mae Abna nei hatimare mae Israel.

Fapea Samuel 18:6

Nogna soldia mae Devet igre tei ne magra ka armi gna Israel fari hotei mata ka nohi Efrem.

Fapea Samuel 18:8

Magra igne ne tei tongana mata heva heva ke lamna kantri. Nu mae soldia te lehe ka glepo te diꞌa mata igre kmana fara salaꞌudi mae te lehe ka magra igre.

Nodi Khoje Hatimare Mae Jiu 144:10

Iagho themu ngala te toghodi hatimare mae king di Israel gre te ulu koba mare kau magra na. Iagho themu ngala teke fakarhini mae king Devet nou mae gloku iagho ia.