Fapea Samuel 16:8 - Buka Blahi Ka Cheke Holo

⁸ Gognarona Lord para nigho iagho, naugna iagho neke aknu falehe kmana naikno ka tharaknagna mae king Sol ka narane teke hata kasa iagho sapegna mana te king iagho gne! Eghume, gognarona Lord la fapari nigho iaghohi, eghuteuna mana la vahinihi mae thumu iagho, mae Absalom mala king tughu nigho iagho! Iagho mae mala falehe naikno, gognarona puhi biꞌo thoke nigho iagho!”

Fapea Samuel 16:8 Referans Kwoze

Jajis 9:24

God neke eni igne naugna funei igne neke aknu falehe fitusalei thabusigna mana thugna Jerub-Baal eghuteuna naiknodi Sekem igre ne leghuni mana, aonu God ne kafe paradi mare eigna igne.

Thakle 16:6

Mae teke falehedi nou mae profet ra nei nou naikno blahi ra, iagho gognaro ke figri khoꞌu ana nei glokha ana eghu ka dadara mala koꞌu mare. Tuana ngala puhi te doglo te mala ke foli fapulo iagho nabadi unha teke edi mare re.”

Nodi Khoje Hatimare Mae Jiu 4:2

Ghotilo naikno ra, niha fata ghotilo nate tapla faparini nanghagu iara na? Niha fata magnahagheidi fabrahu si ghotilo glepo te theo nafudi igrea? Niha fata leghudi si ghotilo puhi te chaichaghi igrea?

Nodi Khoje Hatimare Mae Jiu 3:2

Eghuteuna mare figri tagru ghau iara ne cheke eghu, “God ginauna tirogna toghoni mana.”

Fapea Samuel 21:9

Mae king Devet ne snakre lao fitu mae igre ka naiknodi Gibeon. Mare tei ne falelehe fitu mae igre ne fagefe haghe thinidire ka kaisei thogele rhegna nogna vido blahi Lord. Mare eni igne ka narane te funu ukli bali mare ka nagare na.

Fapea Samuel 19:21

Nu mae Abisae thugna Seruia igne ne cheke eghu, “Mae Simei gne nabagna te aknu falehe kolho. Naugna mana neke cheke fadiꞌani king teke vavahi Lord igne.”

Fapea Samuel 21:1

Ka narane te kegra funei King Devet igre, kaisei nhigra behu ne thoke mei. Eghuteuna naiknodi phei kantri Israel ghe Juda igre ne theome naba gano ne rofo nabagna thilo finogha. Aonu mae Devet ne tarai ka Lord mala laseni gaoghathogna te theo gano te rofo mare igne. Lord ne cheke tughuni nogna tharai mana igne, ne cheke eghu ka mana, “Puhi biꞌo igne thoke mei naugna King Sol nei vikegna teu mana igre ne falehe naikno. Uve, mana neke aknu falehe maedi Gibeon ra.”

Nodi Khoje Hatimare Mae Jiu 55:3

Iara mhaghu nogu fara ka nodi cheke nogu naokare. Nakarhagu na faꞌiho fara eigna mae te diꞌa gre nenei ghau iara fara. Mare goigoni ghau iara fara, diꞌatadi ghau nei tirodi ghau la iara eghu.

Fapea Samuel 19:19

Eghuteuna mae Simei ne cheke eghu, “Nogu funei, iara magnahaghei nigho iagho te hata fadelei nakhibogu iara ra. Thosei ghathodi najafra biꞌo teke edi iara ranghi nigho ka narane teke jifla iagho Jerusalem. Thosei ke tughu fapulo puhi te diꞌa teke edi iara tura.

Ululahu Kings 2:8

“Eghuteuna iagho ghathoni mae Simei, thugna mae Gera ka namono Bahurim, ka nogna vido glose vikegna mae Benjamin. Ka narane teke soru iara Mahanaem igne, mana neke cheke fadiꞌa ghau iara. Nu kate mei thafo ghau iara jare ka khoꞌu Jordan na, iara neke eni kaisei nhaꞌa cheke ka mana ka nanghagna Lord, eigna te mala thosei faleheni iara mana na.

Nodi Khoje Hatimare Mae Jiu 7:4

Iara theome chaghini iara mae kheragu na, ba fiti chekeni kolho, nei fiti fadiꞌani eghu kolho iara nogu naoka na.

Proveb 26:2

Thibri te mala goigonini mae te doglo te theome eni kaisei puhi na, ginauna jateula nanghaji te flalo tafri kligna ra eghu kolho.