Fapea Samuel 12:5 - Buka Blahi Ka Cheke Holo

⁵ Kate nomhini thoutonu igne, mae Devet ne thono diꞌatagna fara ka mae te dedei igne. Aonu mana ne cheke eghu ka mae Natan, “Ka nanghagna Lord, iara cheke kate tutuani fara ka iagho, mae dedei te eni igne nabagna te lehe.

Fapea Samuel 12:5 Referans Kwoze

Letas Teke Riso Tei Mae Pol Ka Khiloau Rom 2:1

Ghotilo iheire te lase fate naiknora, ghotilo theome tangomana te chekeni kaisei glepo na. Kate fatedi ghotilo keha naiknore, ghotilo cheke fapari ghami themi kolho, naugna ghotilo jaola edila glepo te diꞌa te edi mare igre.

Ululahu Samuel 26:16

Iagho theome eni kolho nou gloku na! Iara thofno cheke kate tutuani fara ka nanghagna Lord mae ihei te karha te tifa. Ghotilo jame neke kafe lehehi. Lord neke vahini nomi mae funei ghotilo ana mala king neku, nu ghotilo theome reireghi fakelini mana! Faghila filo tafri si ghotilo! Ahevau nogna goru mae king ia? Ahevau ghegna botol khoꞌu mana ia?”

Jenesis 38:24

Jame naba thilo nhigra ke leghugna igne, mare ne mei cheke eghu ka mae Juda, “Nanghomu iagho Tama ia la jafrahi ka puhi te diꞌa na ne jateula ngau thau vine neu ne thuru balugna kaisei mae, eghuteuna naꞌa gognaro na la buklahi eghu.” Mae Juda ne cheke faheta eghu fara, “Hata mei gaꞌase tuana mala koko lao ka khaꞌaghi mala lehe na.”

Luku 9:55

Nu mae Jisas ne figri ne diꞌatagna ka nodi cheke phiamare na.

Ululahu Samuel 20:31

Filo sagho! Jame karha teu thugna mae Jesi igne, iagho ginauna theome king ka kantri igne! Tei atha mei mae tuana gognarola. Mana mala lehe!”

Ululahu Samuel 14:39

Iara cheke tutuani ka nanghagna Lord, mae ihei te karha nei togho ghita mala uluni tahati magra na, iara nhaꞌa cheke ke ulumi ghotilo, mae ihei te eni glepo te diꞌa igne, mana mala lehe. Neubane thugu iara mae Jonatan, ba mae ihei, mana mala lehe!” Nu mare te gnafa na ne theome ghagri kaisei cheke.

Fapea Samuel 12:4

“Aonu kaisei narane, kaisei mae ne posa mei ka sugagna mae te dedei na. Nu mae te dedei igne ne theome magnahaghei te falelehe kaisei nogna buluka, ba sipu te mala ghamu mae kheragna te mei ka mana igne. Aonu mana tei ne hata nogna sua sipu mae te kuma na ne aknu falehe. Aonu mana kuki sua sipu igne ne ghamu mae kheragna te mei ka nogna suga na.”

Fapea Samuel 14:8

Aonu king nomhini cheke igne, ne cheke eghu ka naꞌa, “Thosei nanga nou fara, iagho ke pulo ka sugamu na. Iara ginauna fadoglini puhi igne ka iagho.”