Fapea Kronikols 1:12 - Buka Blahi Ka Cheke Holo

¹² Eghume iara ginauna tusu ranghi nigho iagho gaoghatho te keli nei glalase, eghuteuna iara ginauna jaola tusu ranghi nigho iagho dedei, nei kmana glepo te keli, eghuteuna naiknore ginauna tusu ranghi nigho iagho nangha te biꞌo. Iara ginauna fafnakno nigho iagho ke tulaodi hatimare mae king teke kulu funei ke ulumu iagho ra, ba iheire na teke funei ke leghumu iagho re.”

Fapea Kronikols 1:12 Referans Kwoze

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Fapea Kronikols 9:22

Ka narane igre, King Solomon thono mae dedei fara salaꞌudi keha king ka nauthoglu igne, eghuteuna jaola thono lalase fara salaꞌudi mare.

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Efesus 3:20

Nogna nolaghi God te loku ka nagnafada gre tangomana te eni glepo te ulu fara ka unha tahati te toreni ba ghathoni.

Ululahu Kronikols 29:25

Lord ne nhaꞌa hagheni Solomon ka nafnakno biꞌo ka tathadi naikno te gnafa Israel, eghuteuna naiknore ne ghatho tahuni mana. Uve, mana fnakno fara salaꞌudi keha king di Israel ulu lahu ra.

Eklesiasti 2:9

Iara fnakno nanghagu na heva heva, eghuteuna theo kaisei mae ka mae iheire teke kulu funei fruni ke ulugu iara agne Jerusalem te fnakno nanghadire jateula iara teuna. Eghuteuna nogu glalase iara na au fabrahu theome khoko ka iara.

Ululahu Kronikols 29:12

Dedei nei nafnakno teu igre mei funudi ka iagho kolho. Iagho funei frunidi thua nafnotu fateote'o gre ka nou nolaghi themu. Eghuteuna iagho ngala tangomana te nhaꞌa hagheni naikno na ka nafnakno biꞌo nei nanheta.

Nehemaea 13:26

Eghuteuna iara neke cheke eghu ka mare, “Naugna tifa na nafnata gaꞌasedi delei igre teke batuni Solomon king gna Israel gne ka nakhibo. Mana kaisei mae king te biꞌo lahu ka mae king te gnafa ka keha kantri are, eghuteuna God na namhani fara mana. Eghuteuna God neke vahini mana mala king frunidi vike te gnafa Israel. Nu neuba, mana khoko ka puhi te diꞌa ka gaꞌase bongihehe te tolaghi mana tadire.

Eklesiasti 5:19

Kate tusu lao God kmana glepo te keli ka kaisei mae na, mae igne ginauna kelitagna fara ka glepo igre. Uve, nabagnau mae igne te glealeꞌa ka nakarhagna nei ka nogna gloku teure. Naugna igne kaisei khokofakasai mei funu ka God.

Ululahu Kings 10:24

Eghuteuna kmana naikno ka nauthoglu igne magnahaghei te mei fanomho ka nogna gaoghatho te keli te tusu lao God ka mana.