Fapea Jone 1:12 - Buka Blahi Ka Cheke Holo

¹² Uve, kmana glepo fara iara te magnahaghei chekedi ka ghotilo re, nu iara theome magnahaghei te rioriso soru ka letas igne. Iara ghaoghatho mala ari sigho ghami thogheiro, eghuteuna iara ginauna tangomana te ari toutonudi ka ghotilo puhi te chekedi iara igre. Kate eni igne, tahati ginauna na gleale'a fodu.

Fapea Jone 1:12 Referans Kwoze

Jone 16:12

“Iara au kmana glepo te mala chekedi ka ghotilo re, nu gognarona kmana glepo fara te mala ghathodi ghotilo re.

Jone 15:11

Iara chekeni igne ka ghotilo, mala keli tami ghotilo jateula ngau iara te keli tagu gne eghu. Eghuteuna iara magnahaghei ghami ghotilo te mala thofno keli tami fara.

Naba 12:8

Tuana site mei fakakhana iara te facheke teu balugna mana grea, eghuteuna kate facheke teu iara balugna mana na, iara theome chekedi cheke te ninhigrana gaoghathodire. Nu iara facheke balugna mana ka cheke te bligi gaoghathodire. Mana la filo ghauhi iara. Ne unha site theome mhaghu ghopa te cheke faparini nogu mae gloku iara gnea?”

Ululahu Jone 1:4

Ghehati riso ari letas igne ka ghotilo mala gleale'a fodu balumi.

Hibru 13:19

Eghuteuna iara tore ghami ghotilo fara mala tarai ghau iara, mala ghosei ke pulo mei iara ka ghotilo.

Jone 17:13

“Mama, iara theome raugha na ari ka iagho. Iara chekedi glepo igre ka iagho kani au nga iara kau nauthoglu igne, mala thofno gleale'a mare jateula te gleale'a fara iara gne eghu.

Jone 16:24

Funu tifa te ghilei thoke kau narane gognaro gne ghotilo neke theome toreni kaisei glepo kau nanghagu iara na. Eghume ghotilo tore ka mae Mama, eghuteuna ghotilo ginauna hata ka mana. Eghuteuna ghotilo ginauna thono gleale'a fara.”

Hibru 13:23

Iara magnahaghei ghami ghotilo te laseni mae kherada Timoti, mare la snakre fajiflani mana ka sosolo. Jame te mei faghose la mana na, ghepa ginauna na ari filo ghami ghotilo.

Filimon 1:22

Keha na igne, iara magnahaghe nigho iagho te tarabana kaisei chogho malagu iara. Iara ginauna na tangomana te ari thoke ka ghotilo na naugna iara fatutuani ni God ginauna na nomhidi nomi tharai ghotilo re.

Fapea Timoti 1:4

Gognaro na iara magnahaghei fara te ari filo nigho mala ke keli gaoghathogu na, eigna iara neke ghatho fapuloni teke tanhi ghau iagho ia.

Jone 3:29

Ghathoi si ghotilo, mae te tolaghi na ngala te khotogna gaꞌase na. Eghuteuna iara gne jateula kheragna mae te tolaghi ia eghu mei ofo balu fanomho ka mana. Eghume kate mei mana te mala hata khetogna na iara gognaro thofno gleale'a fara te nomhi naoglagna mana na.

Fatilo Jone 1:10

Kate mei iara na, iara ginauna na chekedi ka ghotilo unha te edi mae Diotrefes. Mana chaichaghi nei cheke fadiꞌa ghita tahati. Nu theome tuana ngala eghu te eni mana na. Mana tirogna toghodi iheire te loku ranghini Kraes. Mana jaola lhotidi iheire te magnahaghei toghodi hatimare mae gloku nei faꞌau kosidi ka khiloau.