Eksodas 8:21 - Buka Blahi Ka Cheke Holo

²¹ Jame te theome snakre teidi iagho nogna naikno manare, mana ginau na kuru mei kmana khare ka iagho, nei ka hatimare nou mae funei nei ka nou naikno teu iagho gre eghu. Kmana fara khare ginau mei fodu ka nomi suga ba ka vido aheva nate kegra teu ghotilo na.

Eksodas 8:21 Referans Kwoze

Profet Isaia 7:18

Ka narane igne, Lord ginauna kiloni armi gna Ijep, eghuteuna mae soldiare ginauna jifla mei ka vido te gnafa ka kantri tuana. Mae igre kmana fara jateula sisimi eghu. Mana ginauna na jaola kiloni armi gna Asiria igne. Mae soldia igre ginauna mei jateula jurukuli eghu mala mei goigonidi nei falehedi eghu naiknore.

Nodi Khoje Hatimare Mae Jiu 105:31

Lord na cheke kolho, eghuteuna khakaramahe nei khare teure ne fodu ka vido te gnafa ka kantri tuana.

Nodi Khoje Hatimare Mae Jiu 78:45

Mana neke kuru mei sisimi mala kathidi nei paradi eghu mare, mana jaola neke kuru mei groma mala goigoni namonodire.

Eksodas 8:20

Lord ne cheke eghu ka mae Moses, “Hamerane nathuꞌu na iagho ginau tei thafoni mae king ka nabrou gno, eigna hamerane nathuꞌu na mae king ginau tei ka khoꞌu gno. Iagho mala cheke eghu ka mana: ‘Igne unha te chekeni Lord na, mana magnahaghei nigho iagho te snakredi nogna naiknore mala tei pogho soru ranghini mana.

Eksodas 8:22

“ ‘Nu kate mei khare igre na, Lord ginau na reireghi fakelini vido Gosen, ba nohi aheva te au nogna naikno manare. Khare igre ginau na theome filodi ka vido aheva te au nogna naikno mana re. Iagho ginau na filo glanini nei laseni eghu te kaisei mana ngala Lord te edi gobigna lepo te ninhigrana ka nou kantri iagho na igre.

Eksodas 8:24

Mae king ne maku fara nagnafagna na, aonu Lord ne eni jateula teke chekeni thegna neu ne snakre mei kmana khare fara ne mei fodu ka sugagna mae king na, ba ka sugadi hatimare mae funei nei ka sugadi naiknore, nei ka vido te gnafa heva heva ke lamnagna kantri Ijep.

Eksodas 10:6

Nou suga biꞌo iagho are, sugadi hatimare mae funei are nei keha suga te gnafa teu Ijep igre ginau na fodu salaꞌui. Tifa na mae kmami nei kuꞌemi teu ghotilore neke theome filoni te kmana te salaꞌui jateula igne teuna. Thono theo fara ngala.” Kate cheke te gnafa ka mae king na mae Moses figri ne jifla kosi.