Eksodas 30:25 - Buka Blahi Ka Cheke Holo

²⁵ eghuteuna iagho ngigno glepo igre tagna ka puhi te mala eni oel te famane sisisri keligna. Oel blahi igne mala fablahidi nogu gobigna lepo iara gre.

Eksodas 30:25 Referans Kwoze

Eksodas 37:29

Mare thofno eni fakeli oel blahi igne mala fablahi gobigna lepo. Eghuteuna mare jaola thofno eni fakeli insens blahi te famane sisiri keligna igne.

Ululahu Kronikols 9:30

Nu keha mae pris ghu kolho te au nodi nolaghi te mala ngigno insens nei oel blahi teu igre.

Eksodas 40:9

“Iagho ginauna atha oel blahi mala tofa katha ka Suga Tapuale te Blahi baludi gobigna lepore, eghuteuna fakelidi mala thofno blahi fara.

Nodi Khoje Hatimare Mae Jiu 133:2

Nafnata puhi te au fodu igne thofno keli fara, jateula teke eni mare kani teke taofini mae Eron ia eghu. Mare neke tofa oel te siri keligna na ka phaꞌugna mana na, eghuteuna oro me soru ka gremohogna nei pohegna teku mana ra.

Nodi Khoje Hatimare Mae Jiu 89:20

Iara ngala teke tofa oel blahi na ka phaꞌugna nogu mae gloku Devet. Uve, igne fagaglanagna te vahini mana te mala king na.

Hibru 1:9

Iagho magnahaghei unha glepo te doglo nei theome magnahaghei unha glepo te diꞌa. Eghume nou Lord God neke vahi nigho nei tusu ranghi nigho nafnakno te biꞌo nei gleale'a te uluni nodi gleale'a iheire te au balumu.”

Naba 35:25

Eghuteuna jame te laseni mare te fiti lehe mana ka hoholo na, ghotilo ginauna lhotini kheragna mae te lehe igne mala thosei ke edi keha glepo ka mae te aknu poru na. Ghotilo ginau ke kuru tei ka kaisei namono mala poru mana. Mana mala au jare ghilei thokeni narane mala lehegna mae pris biꞌo na.

Eksodas 29:7

Eghuteuna iagho atha oel blahi igne mala tofa ka phaꞌugna mana na mala taofini mana.

Eksodas 29:21

Iagho atha keha dadara te au kligna olta, eghuteuna ngigno balu katha oel blahi, eghuteuna iagho thoghei fuafusa lao ka mae Eron, nei ka nogna pohe blahi mana re. Eghuteuna iagho jaola thoghei fuafusa ka thugna mana re baludi nodi pohe blahi re. Eghuteuna ka puhi igne, iagho ginauna fablahini mae Eron nei thugna mana re, baludi nodi pohe blahi mare.

Eksodas 30:24

nei namno kilo kasia. Iagho skel ka nodi skel mae pris ana. Iagho atha fati lita oliv oel,

Eksodas 30:32

Ghotilo thosei tofa oel blahi igne ka ihei te theome pris, nei thosei tofa fodu ka glepo te famane sisiri kelidi are mala edi keha nomi nafnata oel themi. Oel igne blahi fara, eghuteuna ghotilo mala ghatho tahuni.

Eksodas 30:35

eghuteuna iagho horo insens tagna mala gahu ka olta. Iagho toho fodu glepo igre tagna ka puhi te mala horo insens te famane sisisri keligna. Eghuteuna iagho nhaꞌa lao katha tahi balu insens te keli fara nei blahi teu igne.

Eksodas 35:15

Eghuteuna Olta mala gahu Insens baludi phei gaju mala pala, eghuteuna oel blahi mala fablahi glepo, eghuteuna insens te au glepo te famane sisiri, eghuteuna pohe biꞌo mala fofotho grengatha ke ulugna suga tapuale te blahi igne.

Levitikas 8:2

“Atha mei Eron baludi thugna ra ka grengathagna Suga Tapuale te Blahi. Atha mei nodi pohe blahi mae pris ra, nei oel blahi, nei buluka nalhaꞌugna ia mala fafara mala doglo mare ka tathagu iara na, nei phei sipu nalhaꞌudi nei kharaꞌo te au thilo nafnata bret te theo isi tadi. Eghuteuna iagho kafe kilo meidi ka vido tuana.”

Levitikas 8:10

Aonu mae Moses atha oel blahi na ne fablahi Suga Tapuale te Blahi igne, nei gobigna lepo te au ke lamnagna.

Eklesiasti 10:1

Gilo te ruma te lehe ka botol sedi te siri keligna na ginauna siri diꞌagna. Jateula tuana eghu, kakatha puhi fameomekro kolho nate goigonini gaoghatho te keli na.

Eksodas 28:41

Iagho mala toghoni thabusimu Eron nei thugna mana re, mala fahaghe pohe igre. Aonu iagho mala tofa oel blahi ka phaꞌudi mare re mala fablahidi mare, mala tangomana mare te eni nogna gloku pris na ranghi ghau iara.

Ululahu Kings 1:39

Aonu pris Sadok tei ka nogna Suga Tapuale te Blahi Lord na ne hata hona gna sipu na ne toho fafodu oel ne tofa ka phaꞌugna mae Solomon, igne fagaglana gna te king mana na. Ke leghugna igne, mae pris ne kufli, eghuteuna naiknore gleale'a ne thagru eghu fabiꞌo, “King Solomon, iagho king fabrahu tifa tifa!”